काकेशस प्रदेशातील निसर्गरम्य देश म्हणजे जॉर्जिया. याच जॉर्जियाने भारतीयांसाठी एक खूशखबर दिलीय. जॉर्जियाने भारतीय नागरिकांसाठी व्हिसा धोरण शिथिल केलंय. चला पाहूयात या लेखातून नेमकं धोरण काय आहे आणि भारतीय पर्यटकांना त्याचा कसा फायदा होणार आहे.
?si=NqOUxMLPuovNJo_9
भारतीय पर्यटकांसाठी एक आनंदाची बातमी आहे. काकेशस प्रदेशातील जॉर्जियाने भारतीय नागरिकांसाठी व्हिसा धोरण शिथिल केलंय. त्यामुळे आता जॉर्जियाचा निसर्गरम्य प्रवास अधिक सुलभ आणि सुखकर होणार आहे. ज्यांच्याकडे अमेरिका, युनायटेड किंगडम, शिंजेन क्षेत्र किंवा जपानचा वैध व्हिसा किंवा वास्तव्य परवानगी आहे त्यांना जॉर्जियात व्हिसामुक्त प्रवेश मिळणार आहे. त्यांना जॉर्जियात ९० दिवसांपर्यंत व्हिसामुक्त राहण्याची परवानगी मिळणार आहे. हे धोरण २०२५ मध्ये लागू झालंय. हे धोरण पर्यटन वाढवण्यासाठी आणि भारत-जॉर्जिया संबंध मजबूत करण्यासाठी आखलं गेलंय. जॉर्जियाच्या व्हिसा धोरणाचे भारतीयांसाठी फायदे होणार आहेत. या धोरणामुळे भारतीय पर्यटकांना जॉर्जियाच्या निसर्गसौंदर्याचा, ऐतिहासिक वारशांचा आणि स्वादिष्ट खाद्यपदार्थांचा आनंद घेता येणार आहे.
पावसाळा, मुंबई आणि मुंबईकरांची दैना...हे एक नातं तयार झालंय. नेहमीच पावसाळा येतो आणि नेहमीच मुंबईची तुंबई होते. मग प्रश्न निर्माण होतो तो मुंबईतल्या ...
टबिलिसी, बातुमी, कॉकेशस पर्वतरांगा आणि जॉर्जियन वाईन यांसारख्या आकर्षणांची अनुभव घेण्यासाठी कमी खर्चात प्रवास करणं शक्य झालंय. ज्यांच्याकडे व्हिसा नाही त्यांच्यासाठी वैकल्पिक व्हिसा अर्ज प्रक्रिया उपलब्ध आहे. यासाठी पासपोर्ट आकाराचे फोटो, पासपोर्टची स्कॅन कॉपी, आधारकार्ड, पॅनकार्ड, आर्थिक कागदपत्रं आवश्यक आहेत. अधिकृत वेबसाईटवरून माहिती घेऊन अर्ज करता येतो. त्यामुळे तुमची फसवणूक होत नाही.या धोरणामुळे जॉर्जियात भारतीय पर्यटकांची संख्या वाढण्याची अपेक्षा आहे. हे धोरण जॉर्जियाला कॉकेशसचा प्रवेशद्वार म्हणून ओळखले जाऊ शकते.
विशेषतः टबिलिसी, बातुमी आणि कॉकेशस पर्वतरांगा यांसारख्या ठिकाणी पर्यटन वाढण्याची शक्यता आहे. जॉर्जियाच्या या नव्या व्हिसा धोरणामुळे भारतीय प्रवाशांसाठी काकेशसचा मार्ग खुला झालाय. या धोरणामुळे फक्त पर्यटन वाढेल असं नाही तर भारत-जॉर्जिया संबंधांना बळकटी मिळेल. भारतीय पर्यटकांनी आता आपल्या ट्रॅव्हल लिस्टमध्ये जॉर्जियाचा समावेश करावा.
