देशाची आर्थिक राजधानी मुंबईला अत्याधुनिक सार्वजनिक वाहतुकीच्या जाळ्याने जोडण्यासाठी सरकारचं प्रयत्न वेगानं सुरू आहेत. त्याचाच भाग म्हणून महामुंबईत एकूण १४६ किमी मेट्रोमार्गिकांचं जाळं विणलं जातय. त्यातील ५० किलोमीटरच्या मेट्रो मार्गिका २०२५ च्या अखेरीला सुरू होतील. त्यामुळं थंडगार एसीतून गारेगार प्रवास मुंबईकरांना करता येणार आहे.
दृष्टिक्षेपात मेट्रो कोणत्या आहेत हे पुढीलप्रमाणे
- पाच मेट्रो मार्गिका सुरू होण्याची तयारी
- भूमिगत मार्गिका वरळीहून दक्षिण टोकापर्यंत येणार
- दहिसर-भाईदर, चेंबूर-मंडाळे, ठाण्यातही जोडणी
- ५० किलोमीटर मार्गिका प्रवासीसेवेत येणार आहे
देशातील सर्वाधिक लांबीची भूमिगत मार्गिका पाहूया
दक्षिण टोकाकडील भूमिगत मार्गिका लवकरचं पूर्ण होणार आहे. केंद्र व राज्य सरकारच्या मुंबई मेट्रो रेल कॉर्पोरेशन लिमिटेडकडून (एमएमआरसी) ही मेट्रो उभी राहतेय. मेट्रो ३ ही ३३ किलोमीटरची देशातील सर्वाधिक लांबीची व राज्यातील १०० टक्के भूमिगत मार्गिका आहे. या मार्गिकेचा १३ किलोमीटर लांबीचा 'आरे जेव्हीएलआर ते बीकेसी' हा टप्पा ऑक्टोबर २०२४ मध्ये सुरू झाला.
मान्सूनसाठी पोषक वातावरण आहे. एक दोन दिवसात अंदमान निकोबार बेटे व दक्षिण बंगालच्या उपसागराच्या काही भागात मान्सून पोहचण्याची शक्यता भारतीय हवामान ...
ठाणे-मुंबई जोडणारे 'मेट्रो ४' व '४ अ'
ठाण्यातील घोडबंदर रस्त्यावरील रहिवाशांसाठी ठाणे स्थानक लांब अंतरावर आहे. त्यामुळं घोडबंदर रस्त्याला थेट वडाळ्याशी जोडण्यासाठी 'मेट्रो ४ अ' व 'मेट्रो ४' ही संयुक्त उन्नत मार्गिका साकारली जातेय. यापैकी 'मेट्रो ४' मार्गिकचा पहिला टप्पा आठ स्थानके व १० किलोमीटरचा असेल. यात कासारवडवली, विजय गार्डन, डोगरीपाडा, टिकुजी नी वाडी, मानपाडा, कापूरबावडी, माजीवाडा व कॅडबरी जंक्शन या स्थानकांचा समावेश असेल. याच मार्गिकला जोडून गायमुख ते कासारवडवली ही दोन स्थानकांची व ३ किलोमीटर लांबीची 'मेट्रो ४ अ' ही उन्नत मार्गिका उभी होत आहे. या दोन्ही मार्गिकांच्या पहिल्या टप्प्याचे बांधकाम पूर्ण झाले आहे. स्थानक उभारणी व विद्युतीकरणाचे काम सुरू आहे
उत्तरेकडे मेट्रो ९ लवकरच सज्ज
मुंबई महानगर प्रदेश विकास प्राधिकरणाने (एमएमआरडीए) सन २०२२ व २०२३ मध्ये दोन टप्प्यांत गुंदवली ते अंधेरी पश्चिम मार्गे दहिसर, अशा दोन टप्प्यांत दोन मेट्रो मार्गिका सुरू केल्या. या मार्गिकांना दहिसर येथून मिरा-भाईंदरशी जोडणी देण्यासाठी 'मेट्रो ५' ही उन्नत मार्गिका उभी होत आहे. या मार्गिकतील दहिसर पूर्व, पांडुरंगवाडी, मिरागाव व काशिगाव, हा चार स्थानकांचा टप्पा या वर्षअखेरपर्यंत प्रवासीसेवेसाठी सुरू होत आहे. या टप्प्यासाठीचे बांधकाम पूर्ण झाले आहे. स्थानक उभारणी व रूळ टाकण्याची कामे सुरू आहेत. विद्युतीकरणाचे काम अलीकडेच सुरू झाले.
पूर्वेकडे पोहोचणारी 'मेट्रो २ ब'
मुंबईच्या पश्चिम उपनगरांना मध्यनगरांमागें जोडून थेट पूर्वेच्या खाडीपर्यंत जाणारी 'मेट्रो २ च' ही उन्नत मार्गिका एमएमआरडीए उभी करीत आहे. ईएसआयसीनगर (अंधेरी पश्चिम) ते मंडाळे मार्गे वांद्रे-कुर्ला अशी ही मार्गिका आहे. या मार्गिकेतील मंडाळे, मानखुर्द, बीएसएनएल, शिवाजी चौक ते डायमंड गार्डन, चेंबूर या पाच स्थानकांच्या टप्प्यासाठी गाडीची चाचणी अलीकडेच झाली, त्यानंतर याचवर्षी मार्गिकया पाच स्थानकांचा व सहा किलोमीटर लांबीचा टप्पा प्रवाशांसाठी सुरू होणार आहे.
