रविवार १८ मे रोजी पहाटे साडेपाच वाजता चारमिनारजवळील गुलजार हाऊस इमारतीत दागिन्यांच्या दुकानाला आग लागली. ही आग झपाट्याने पसरली. गुलजार हाऊसमध्ये फायर एक्झिट नसल्यामुळे इमारतीत असलेले अडचणीत सापडले. घटनेची माहिती मिळताच अग्निशमन दलाच्या ११ गाड्या घटनास्थळी पोहोचल्या. तातडीने आग आटोक्यात आणण्याची कारवाई सुरू झाली.
पंतप्रधान नरेंद्र मोदी यांनी दुर्घटनेची माहिती मिळताच शोक प्रकट केला. तसेच पंतप्रधान मोदींनी मृतांच्या नातेवाईकांसाठी दोन लाख रुपये आणि जखमींना ५० हजारांची मदत जाहीर केली आहे. तेलंगणातील हैदराबादमध्ये आग लागून मोठी जीवितहानी झाली. यामुळे दुःख झाले. ज्यांनी आपल्या जवळच्या लोकांना गमावले, त्यांच्याबद्दल संवेदना व्यक्त करतो. जखमींच्या प्रकृतीमध्ये लवकर सुधारणा व्हावी, अशी प्रार्थना करतो; अशी एक्स पोस्ट पंतप्रधान मोदींनी केली.
Deeply anguished by the loss of lives due to a fire tragedy in Hyderabad, Telangana. Condolences to those who have lost their loved ones. May the injured recover soon.
An ex-gratia of Rs. 2 lakh from PMNRF would be given to the next of kin of each deceased. The injured would be…
— PMO India (@PMOIndia) May 18, 2025
