निसर्गायन - कविता आणि काव्यकोडी

  47

शिलावरण आणि जलावरण
सभोवताली आहे वातावरण
नांदती सौख्यात सारे
सुखी होई पर्यावरण

तपांबर, स्थितांबर, दलांबर
महत्त्वाचे ओझोन आवरण
वायू प्रदूषण वाढता
धोक्यात येई वातावरण

भुरूपाचे शिलावरण
पर्वत, पठार आणि मैदान
जागोजागी झाडे लावून
हिरवाईने नटवू छान

महासागर, सागर,
आखात, खाडी
हे तर सारे जलावरण
दूषित पाणी नदीचे होता
बाधित होई आरोग्यधन

म्हणूनच सारे करू संकल्प
चला वाचवू जंगल, रान
ओसाड उजाड माळावरती
पुन्हा डोलू दे पान न् पान

काव्यकोडी - एकनाथ आव्हाड


१) पहाटेला पूर्वेकडून
हा हलकेच येतो
हळूहळू साऱ्या दिशा
लख्ख करत जातो.

दुपारच्या वेळी
दीपवतो डोळे
उगवणे, मावळणे
हे कोणामुळे कळे?

२) झाडाच्या खोडालाच
लटकतो मी फार
वजनदार फळ मी
दंडगोलाकार.

झारखंड म्हणतात
माझ्या आवरणाला
काटेरी अंग माझे
नाव काय बोला?

३) कधी धो-धो कोसळतो
कधी रिमझिम बरसतो
कधीकधी मी अगदी
वेड्यासारखा वागतो

झाडं शेती, रान
मलाच देती मान!
ओळखले का मला
मी फुलवतो पान न पान?

उत्तर -


१) सूर्य
२) फणस
३) पाऊस
Comments
Add Comment

पाऊस

कथा : रमेश तांबे एकदा काय झाले काळ्याकुट्ट ढगांनी आकाश भरून आले वारा सुटला सोसाट्याचा उडवत पाचोळा

झोप

प्रतिभारंग : प्रा. प्रतिभा सराफ शरीर तसेच मनाच्या विश्रांतीची ‘झोप’ ही नैसर्गिक अवस्था असते. झोप आपल्या शरीराला

उपयुक्तता व सौंदर्य एकाच नाण्याच्या दोन बाजू

लहानशा गोष्टी, मोठा अर्थ : शिल्पा अष्टमकर आजच्या जगात आपल्याला काय आढळते. माणसे ही सौंदर्याच्या मागे लागलेली

स्व-जाणीव

लहानशा गोष्टी, मोठा अर्थ : शिल्पा अष्टमकर जोमनुष्य स्वतःला व स्वतःच्या शक्तीला ओळखतो त्याला जीवनात सर्व काही

तुझ्या हाताच्या चवीचं...

प्रतिभारंग : प्रा. प्रतिभा सराफ बाबा सरकारी नोकरीत सुपरिटेंडंट होते. त्यामुळे त्यांची नियुक्ती महाराष्ट्रात

हत्ती

कथा : रमेश तांबे एक होता हत्ती त्याच्या अंगात फार मस्ती इकडे तिकडे धावायचा पायाखाली येईल त्याला चिरडायचा. हत्ती