Mumbai Goa Highway : स्कूटर-टेम्पोच्या धडकेत वडिलांचा मृत्यू, मुलगी गंभीर जखमी

जत्रोत्सवाच्या पार्श्वभूमीवर पोलादपूरमध्ये अपघाताची पुनरावृत्ती


पोलादपूर (रायगड) : मुंबई-गोवा राष्ट्रीय महामार्गावर पुन्हा एकदा भीषण अपघाताची पुनरावृत्ती झाली असून, यामध्ये एका कुटुंबातील पिता जागीच ठार तर मुलगी गंभीर जखमी झाली आहे. ही घटना पोलादपूर शहरालगत लोहारमाळ मोरया ढाब्याजवळ बुधवारी रात्री १०.१५ च्या सुमारास घडली. या अपघातामुळे जत्रोत्सवात दु:खाचे सावट पसरले आहे.



घटनाक्रम: चुकीच्या दिशेने आलेल्या टेम्पोची थरकाप उडवणारी धडक


पोलादपूरमधील सुनील सुरेश पवार (४१) हे आपली पत्नी सुवर्णा (३९), मुलगा श्लोक (१३) आणि मुलगी रिया (१०) यांच्यासोबत ऍक्टिव्हा स्कूटरवरून प्रवास करत असताना, मागून येणाऱ्या आयशर टेम्पोने राँग साईडने ओव्हरटेक करत त्यांच्या स्कूटरला जबर धडक दिली.



टेम्पो चालक अतुल अजित काळवणकर (३५, मिठबाव, सिंधुदुर्ग) हा एपीएमसी मार्केटमध्ये नाकारलेले आंबे घेऊन परतत होता. त्याने अतिवेग आणि बेफिकिरीने रस्त्याच्या डाव्या बाजूने स्कूटरला ठोकर दिली. या धडकेत स्कूटरवरील चालक सुनील पवार यांचा तोल गेला आणि ते टेम्पोच्या मागील चाकाखाली आल्याने त्यांचा घटनास्थळीच चिरडून मृत्यू झाला.



कुटुंबातील तिघे जखमी – मुलगी रिया गंभीर


या अपघातात रिया पवार गंभीर जखमी झाली असून, तिला कामोठेतील एमजीएम रुग्णालयात हलविण्यात आले आहे. पत्नी सुवर्णा आणि मुलगा श्लोक यांना किरकोळ जखमा झाल्या असून, त्यांच्यावर पोलादपूर ग्रामीण रुग्णालयात उपचार सुरू आहेत.



पोलिसांची तत्परता आणि कायदेशीर कारवाई


घटनेची माहिती मिळताच सहायक पोलीस निरीक्षक आनंद रावडे, पोलीस नाईक शिंदे, पो.ह. सर्णेकर आणि स्वप्नील कदम यांनी घटनास्थळी धाव घेतली. अपघातानंतर नागरिकांनी मदतीसाठी मोठी गर्दी केली होती.


या प्रकरणी गणेश येरूणकर यांच्या फिर्यादीवरून आयशर चालकावर भा.दं.वि. कलम २८१, १२५(अ), १२५(ब) आणि मोटार वाहन कायदा कलम १८४ अंतर्गत गुन्हा दाखल करण्यात आला आहे.



जत्रोत्सवात पुन्हा दु:खाचे सावट


पोलादपूरच्या जत्रोत्सवाच्या काळात काही वर्षांपूर्वी अपघाताची मालिका घडत होती. मात्र, महामार्गाच्या चौपदरीकरणामुळे ती थांबली होती. पण या घटनेमुळे त्या काळाची आठवण ताजी झाली आहे आणि जत्रोत्सवात दु:ख व भीतीचे वातावरण निर्माण झाले आहे.

Comments
Add Comment

कोहलीचा १८ नंबर घेऊन पंत मैदानात: सोशल मीडियावर व्हायरल फोटो!

आसाम : ऑस्ट्रेलियाविरुद्ध झालेल्या मालिकेत भारताला पराभव पत्करावा लागला. सध्या भारत आणि ऑस्ट्रेलिया यांच्यात

WC Semifinal: स्मृती मंधानाच्या विकेटवरून वाद, मैदानावर उभे असलेले अंपायरही झाले हैराण

नवी मुंबई: भारत आणि ऑस्ट्रेलिया यांच्यात आयसीसी महिला क्रिकेट वनडे वर्ल्डकपचा सेमीफायनल

बोगस आधार कार्ड प्रकरणी आ. रोहित पवारांविरोधात गुन्हा दाखल

मुंबई : अमेरिकेचे राष्ट्राध्यक्ष डोनाल्ड ट्रम्प यांचे बोगस आधार कार्ड तयार केल्याप्रकरणी राष्ट्रवादी

महाराष्ट्राचा लाडका प्रणित मोरे ‘बिग बॉस१९’च्या घराचा नवा कॅप्टन !

मुंबई : ‘बिग बॉस १९’ रिऍलिटी शो चांगलाच गाजत आहे. रोज नवे वाद,प्रेम आणि राजकारण या शो मध्ये पाहायला मिळतंय. याच शो

शालेय पोषण आहार कामगारांच्या प्रलंबित मागण्यांसंदर्भात काय म्हणाले मंत्री दादाजी भुसे?

मुंबई : शालेय पोषण आहार कामगारांच्या प्रलंबित मागण्यांबाबत शालेय शिक्षण विभाग सकारात्मक असून त्यांच्या

शेतकरी, पशुपालकांना वीज दरात सवलत मिळणार, पण 'या' अटींवर...

मुंबई : राज्य शासनाने पशुपालन व्यवसायास कृषी समकक्ष दर्जा देण्याचा निर्णय घेतला आहे. यानुसार आता वीजदरात