IFS Officer Nidhi Tewari Appointed Private Secretary To PM Modi : कोण आहेत पंतप्रधान मोदींच्या खासगी सचिव ? जाणून घ्या

  113

मुंबई : पंतप्रधान नरेंद्र मोदी यांच्या खासगी सचिव पदावर निधी तिवारी यांची नियुक्ती करण्यात आली आहे. निधी तिवारी २०१४ च्या बॅचच्या भारतीय परराष्ट्र सेवेच्या (ISF) अधिकारी आहेत. पीएमओ आणि विविध खाती, विभाग आणि उपविभाग यांच्यातील समन्वयाचा एक महत्त्वाचा दुवा म्हणून निधी तिवारी काम करतील.


पंतप्रधान मोदी २०१४ पासून वाराणसी लोकसभा मतदारसंघाचे प्रतिनिधित्व करत आहेत. निधी तिवारी याच वाराणसी मतदारसंघातील मेहमूरगंज मधील रहिवासी आहेत. त्यांनी २०१३ मध्ये नागरी सेवा परीक्षेत ९६ वा क्रमांक मिळवला होता. निधी तिवारी यांना २०१६ मध्ये सर्वोत्कृष्ट अधिकारी प्रशिक्षणार्थी म्हणून राजदूत बिमल सन्याल स्मृती पदक आणि सर्वोत्कृष्ट प्रबंधासाठी पदक मिळाले आहे.



परराष्ट्र मंत्रालयात असताना निधी तिवारी यांनी निःशस्त्रीकरण आणि आंतरराष्ट्रीय सुरक्षा व्यवहार विभागात काम केले. तिवारी या २०२३ पासून पंतप्रधान कार्यालयात उपसचिव म्हणून काम करत आहे. नागरी सेवा परीक्षा उत्तीर्ण होण्यापूर्वी वाराणसीमध्ये सहाय्यक आयुक्त (वाणिज्यिक कर) म्हणून काम करत नोकरीसोबतच परीक्षेची तिवारी यांनी तयारी केली . त्या राष्ट्रीय सुरक्षा सल्लागार अजित डोभाल यांना रिपोर्ट करत होत्या. आता त्यांची वर्णी पंतप्रधान मोदींच्या खासगी सचिवपदी झाली आहे.



काय आहे निधी तिवारींच्या कामाचे स्वरूप


पंतप्रधान मोदींच्या खासगी सचिवपदी नियुक्ती झाल्यावर निधी तिवारींना पंतप्रधान यांची महत्त्वाची कामे हाताळावी लागणार आहेत. पंतप्रधान नरेंद्र मोदी यांच्या कार्यक्रमांचे समन्वय करणे, बैठका आयोजित करणे आणि सरकारी विभागांशी संपर्क साधण्याचे काम त्या पाहतील. यापूर्वीही अनेक महिला अधिकाऱ्यांना पीएमओमध्ये महत्त्वाच्या जबाबदाऱ्या देण्यात आल्या आहेत. धोरणात्मक निर्णयांची अंमलबजावणी आणि त्यांच्या प्रगतीवर लक्ष ठेवण्यात त्यांची भूमिका महत्त्वाची असेल.

Comments
Add Comment

महाराष्ट्राच्या मंत्रिमंडळाचे ९ महत्वाचे निर्णय !

विमुक्त जाती व भटक्या जमातीतील लाभार्थ्यांसाठी विविध योजनांची कार्यपद्धती प्रभावीरित्या

न्यायमूर्ती शिंदे समितीला मुदतवाढ, जरांगे मुंबईत येणार की नाही येणार लवकरच ठरणार

मुंबई : फडणवीस सरकारच्या निर्देशानुसार मराठा आरक्षण उपसमितीची महत्त्वपूर्ण बैठक मंत्रालयात झाली. उपसमितीचे

'अंबाजोगाई येथे १ हजार १५० खाटांचे रुग्णालय उभारावे'

मुंबई : मराठवाड्यातील ग्रामीण भागासाठी वैद्यकीय शिक्षण व आरोग्यसेवा अधिक सक्षम व्हावी, यासाठी बीड जिल्ह्यातील

'दिवेआगरच्या सुपारी संशोधन केंद्राची कामे लवकर सुरू करा'

मुंबई : रायगड जिल्ह्यातील दिवेआगर येथील प्रस्तावित १४ कोटी रु.ची तरतुद असलेल्या सुपारी संशोधन केंद्राचे काम

सिंधुदुर्ग जिल्ह्यात मत्स्यव्यवसाय महाविद्यालय उभारण्याची योजना

मुंबई : मत्स्यव्यवसायाला चालना देण्यासाठी सिंधुदुर्ग जिल्ह्यात देवगड, मौजे सौंदाळे, जामसंडे येथे शासकीय

'नांदेड-मुंबई ‘वंदे भारत एक्स्प्रेस’ ने उघडले मराठवाड्याच्या समृद्धीचे द्वार'

मुंबई : मराठवाड्याच्या विकासासाठी शासन दळणवळण सुविधांवर भर देत आहे. ‘वंदे भारत एक्स्प्रेस’मुळे नांदेड शहर