IPL 2025: साई सुदर्शनची धमाकेदार खेळी, गुजरातचे मुंबईला इतक्या धावांचे आव्हान

  115

मुंबई: गुजरातच्या अहमदाबादच्या स्टेडियमवर सुरू असलेल्या आयपीएल २०२५च्या सामन्यात गुजरात टायटन्सने मुंबई इंडियन्ससमोर विजयासाठी १९७ धावांचे आव्हान ठेवले आहे. गुजरातने पहिल्यांदा फलंदाजी करताना ८ बाद १९६ धावा केल्यात.


सलामीवीर साई सुदर्शनचे अर्धशतक, त्यानंतर शुभमन गिल आणि जोस बटलरच्या प्रत्येकी ३८ आणि ३९ धावा यांच्या जोरावर गुजरातने २००च्या जवळपासचा आकडा गाठला. त्यांची सुरूवात दमदार झाली. गिल आणि सुदर्शन यांची भागीदारी चांगली जमली होती.


गुजरात टायटन्सची सुरुवात दमदार झाली. कर्णधार शुभमन गिल आणि साई सुदर्शनने मुंबईच्या गोलंदाजांना चांगलेच धुतले. पहिल्या ६ षटकांत गुजरातने ६६ धावा केल्या होत्या. मुंबईला पहिले यश हार्दिक पांड्याने मिळवून दिले. त्याने गुजरातचा कर्णधार शुभमन गिलला बाद केले.


शुभमनने २७ बॉलमध्ये ३८ धावा केल्या. यात चार चौकारांशिवाय एका षटकाराचा समावेश होता. शुभमन आणि सुदर्शन यांनी मिळून पहिल्या विकेटसाठी ७८ धावांची भागीदारी केली. गिल बाद झाल्यानंतर बटलर क्रीझवर उतरला आणि त्याने सुदर्शनसह मिळून दुसऱ्या विकेटसाठी ५१ धावा केल्या.


जोस बटलरने पाच चौकार आणि एका षटकाराच्या मदतीने २४ बॉलमध्ये ३९ धावा केल्या. बटलरला स्पिनर मुजीर उऱ रहमानने बाद केले. बटलर बाद झाल्यानंतर सुदर्शनने अर्धशतक पूर्ण केले. सुदर्शनने पंजाब किंग्सविरुद्धही अर्धशतकी खेळी केली. यातच गुजरात टायटन्सने शाहरूख खानला स्वस्तात गमावले. येथून गुजरातने तीन बॉलवर तीन विकेट गमावले. शेवटच्या षटकांमध्ये सातत्याने विकेट पडल्याने गुजरातला २००चा आकडा गाठता आला नाही.


Comments
Add Comment

उत्कंठावर्धक सामन्यात मोहम्मद सिराजनं तारलं

लंडन : केनिंग्टन ओव्हल स्टेडियममध्ये रंगलेल्या भारत - इंग्लंड कसोटी सामन्यात भारत जिंकला. या उत्कंठावर्धक

IND vs ENG: चौथ्या दिवसाचा खेळ संपला, इंग्लंडला विजयासाठी हव्यात ३५ धावा, भारताला चमत्कार वाचवणार का?

लंडन: भारत आणि इंग्लंड यांच्यातील पाचव्या कसोटी सामन्याचा चौथ्या दिवशीचा खेळ संपला आहे. चौथ्या दिवशी पावसामुळे

यशस्वी जायसवालने शतक ठोकत रवी शास्त्रींना टाकले मागे, टीम इंडियानेही रचला खास विक्रम!

लंडन: इंग्लंडविरुद्धच्या पाचव्या कसोटी सामन्यात युवा सलामीवीर यशस्वी जायसवालने पुन्हा एकदा आपल्या फलंदाजीची

India vs England 5th Test: ओव्हल कसोटीत भारताने इंग्लंडला दिले ३७४ धावांचे लक्ष्य, सुंदरची 'सुंदर' खेळी

India vs England 5th Test: भारत आणि इंग्लंड यांच्यातील अँडरसन-तेंडुलकर ट्रॉफी २०२५ चा शेवटचा कसोटी सामना लंडनमधील ओव्हल क्रिकेट

"आम्ही पुन्हा प्रयत्न करत आहोत" सायना नेहवाल आणि पी. कश्यपच्या नात्यात यु टर्न

नवी दिल्ली: बॅडमिंटनपटू सायना नेहवाल (Saina Nehwal) आणि पारुपल्ली कश्यप (Parupalli Kashyap) या दोघांच्या नात्यात पुन्हा एकदा गोडवा

जसप्रीत बुमराहच्या आशिया कप खेळण्यावर प्रश्नचिन्ह

नवी दिल्ली:  आशिया कप २०२५ पुढील महिन्यात खेळवला जाणार आहे आणि चाहते या स्पर्धेबद्दल खूप उत्सुक आहेत. पण