मुंबई : बृहन्मुंबई महानगरपालिकेच्या नियोजन विभागाने गरीब आणि गरजू महिलांसाठी तसेच पिवळे व केशरी शिधापत्रिकाधारक महिलांसाठी स्वयंरोजगार योजनेअंतर्गत शिवणयंत्र, घरघंटी आणि मसाला कांडप यंत्र वाटपाचा निर्णय घेतला होता. या योजनेअंतर्गत ६७,१०० महिला पात्र ठरल्या होत्या, मात्र आतापर्यंत केवळ ४,८३२ महिलांना या योजनेचा लाभ मिळू शकला. उर्वरित ६२,२६८ महिलांना आता या योजनेचा लाभ दिला जाणार असून, यासाठी ८७ कोटी ४ लाख रुपये खर्च करण्यात येणार आहेत.
बृहन्मुंबई महानगरपालिकेच्या नियोजन विभागाच्यावतीने जेंडर बजेट अंतर्गत महिला व बालकल्याण योजनेंतर्गत २१ डिसेंबर २०२३ रोजी ६४,०१४ महिलांसाठी शिवणयंत्र, घरघंटी आणि मसाला कांडप यंत्रांची खरेदीला मंजुरी मिळाली होती. मात्र, शिवणयंत्राच्या अर्थसहाय्यातील बदलामुळे लाभार्थींची संख्या वाढून ६९,६८९ झाली. यानंतर फेब्रुवारी २०२४ मध्ये या योजनांना अंतिम मंजुरी मिळाली.
एमएमआरडीएचा सुवर्ण महोत्सवी अर्थसंकल्प सादर ४०,१८७ कोटींचे अर्थसंकल्पीय अंदाजपत्रक मंजूर ८७ टक्के निधी पायाभूत प्रकल्पांसाठी, मेट्रो आणि सागरी ...
बृहन्मुंबई महानगरपालिका लेखा विभागाने अर्जांची पडताळणी केल्यानंतर एकूण ६७,१०० लाभार्थी पात्र ठरले. त्यामध्ये शिवणयंत्रासाठी ३५,३५८, घरघंटी यंत्रासाठी ३१,३०३ आणि मसाला कांडप यंत्रासाठी ४३९ महिलांची निवड करण्यात आली. आता लवकरच उर्वरित महिलांपर्यंत ही मदत पोहोचवली जाणार आहे, त्यामुळे अनेक महिलांना स्वयंरोजगाराच्या संधी उपलब्ध होतील.
