मुंबई : उपमुख्यमंत्री एकनाथ शिंदे यांच्या नेतृत्वात शिवसेनेने ऑपरेशन टायगर जोरात सुरू केले आहे. शिवसेनेच्या ऑपरेशन टायगरमुळे उद्धव ठाकरे यांच्या गटाला कोकण आणि छत्रपती संभाजीनगर जिल्ह्यात पुन्हा खिंडार पडले आहे. उद्धव गटाचे दापोलीचे माजी आमदार संजय कदम, छत्रपती संभाजी नगरचे माजी आमदार भाऊसाहेब पाटील चिकटगांवकर यांच्यासह मुंबईतील तीन माजी नगरसेवक, लोकप्रतिनिधी आणि शेकडो कार्यकर्त्यांनी शिवसेनेत प्रवेश केला.
MLC By Poll : विधान परिषदेत उरली महायुतीच्या विजयाची औपचारिकता
◻️LIVE📍मुक्तागिरी निवासस्थान,मुंबई 🗓️ 18-03-2025
📹 मुंबई उबाठा गटातील दोन माजी आमदार, तीन नगरसेवक, छ. संभाजीनगरचे माजी जिप अध्यक्ष तथा लोकप्रतिनिधी व कार्यकर्त्यांचा शिवसेनेत प्रवेश – लाईव्ह https://t.co/icLjNNYjIt
— Eknath Shinde – एकनाथ शिंदे (@mieknathshinde) March 18, 2025
शांतता व संयम पाळत धार्मिक सण साजरे करावेत; मुख्यमंत्र्यांचे जनतेला आवाहन
उद्धव गटाच्या सदस्यांचे शिवसेनेत एकनाथ शिंदेंच्या नेतृत्वात स्वागत करण्यात आले. याप्रसंगी बोलताना, अडीच वर्षात विकास कामांसाठी आमदारांना तीन हजार कोटींचा निधी दिला. अनेक विकासकामं झपाट्याने केली. महायुतीची कामगिरी लोकांच्या पसंतीस उतरली. यामुळे सरकारवर खोक्यांचा आरोप करणाऱ्यांना मतदारांनी विधानसभा निवडणुकीत खोक्यात बंद केले, अशी टीका उपमुख्यमंत्री एकनाथ शिंदे यांनी केली.
दापोली मतदारसंघाचे माजी आमदार संजय कदम हे बाळासाहेबांच्या आणि धर्मवीर आनंद दिघे यांच्या शिवसेनेत स्वगृही परतले. कोकणात शिवसेना वाढत आहे. कोकणात एक जागा वगळता सर्वच जागांवर महायुतीचे आमदार जिंकले आहे. कोकणी जनतेने बाळासाहेबांवर आणि शिवसेनेवर नेहमीच प्रेम केले. मंत्री उदय सामंत, मंत्री योगेश कदम कोकणात काम करत आहेत. शिवसेना नेते रामदास कदम यांनी मागील पंचवीस वर्ष कोकणात काम केले. आता संपूर्ण कोकण शिवसेनामय झाल्याशिवाय राहणार नाही; असा विश्वास उपमुख्यमंत्री एकनाथ शिंदे यांनी व्यक्त केला. शिवसेनेचे दोन कदम एकत्र आल्याने आता दापोलीत फक्त शिवसेनेचा दम राहणार आहे. काम करणारा कार्यकर्ता शिवसेनेमध्येच राहणार; असेही उपमुख्यमंत्री एकनाथ शिंदे म्हणाले.
मुंबईतील भांडुपचे माजी नगरसेवक उमेश पाटील, चेंबूरच्या माजी नगरसेविका अंजली नाईक आणि गोरेगाव येथील माजी नगरसेविका लोचना चव्हाण यांच्यासह अनेक पदाधिकारी, शाखाप्रमुख, उपशाखप्रमुख, महिला सेना आणि कार्यकर्त्यांनी शिवसेनेत प्रवेश केला. छत्रपती संभाजीनगरमधील वैजापूर, गंगापूर मतदार संघात आमदार रमेश बोरनारे यांच्या पुढाकारे माजी आमदार भाऊसाहेब पाटील चिकटगांवकर, माजी नगराध्यक्ष साबीर खान, माजी जिल्हा परिषद अध्यक्ष दिनकर बापू पवार, मा. जिल्हा परिषद सदस्य बादशाह पटेल, माजी पंचायच समिती सभापती-राजू मगर, डॉ.राजू डोंगरे, राम हरी जाधवे, बाबासाहेब जगताप यांनी शिवसेनेत प्रवेश केला.