आंतरराष्ट्रीय अंतराळ स्थानक : फक्त आठ दिवसांच्या विशेष मोहिमेसाठी आंतरराष्ट्रीय अंतराळ स्थानकावर गेलेले बुच विल्मोर आणि सुनिता विल्यम्स हे दोन अंतराळवीर मागील नऊ महिन्यांपासून तिथेच अडकले आहेत. तांत्रिक कारणामुळे त्यांना दोघांना अद्याप पृथ्वीवर परत आणता आलेले नाही. अखेर नासा आणि स्पेसएक्स यांनी एक संयुक्त प्रकल्प राबवून बुच विल्मोर आणि सुनिता विल्यम्स या दोघांना आंतरराष्ट्रीय अंतराळ स्थानकावरुन परत पृथ्वीवर आणण्याची व्यवस्था केली आहे. दोन्ही अंतराळवीरांना परत घेऊन जाण्यासाठी एक अंतराळ यान आंतरराष्ट्रीय अंतराळ स्थानकावर पोहोचले आहे. हे यान पोहोचताच बुच विल्मोर आणि सुनिता विल्यम्स या दोघांनी आनंद व्यक्त केला. अंतराळवीर सुनिता विल्यम्सने नृत्य करुन आनंद व्यक्त केला. या घटनेचा व्हिडीओ व्हायरल होत आहे.
फाल्कन नऊ रॉकेटच्या मदतीने क्रू १० मोहिमेच्या अंतर्गत ड्रॅगन नावाचे यान आंतरराष्ट्रीय अंतराळ स्थानकावर पोहोचले आहे. या यानातून चार ताज्या दमाचे अंतराळवीर आंतरराष्ट्रीय अंतराळ स्थानकावर पोहोचले आहेत. आता याच यानातून बुच विल्मोर आणि सुनिता विल्यम्स हे दोन अंतराळवीर पृथ्वीवर परतणार आहेत. आंतरराष्ट्रीय अंतराळ स्थानकावर पोहोचलेल्या चार अंतराळवीरांपैकी दोन अमेरिकेचे एक जपानचा आणि एक रशियाचा आहे. अमेरिकेचे एन. मॅकलन आणि निकोल आयर्स, जपानचा तुकुया ओनिशी आणि रशियाचा किरिल पेस्कोव हे अंताळवीर आंतरराष्ट्रीय अंतराळ स्थानकावर पोहोचले आहेत.
नवे अंतराळवीर आंतरराष्ट्रीय अंतराळ स्थानकावर पोहोचले त्यावेळी सुनिताने तिला झालेला आनंद नृत्य करुन साजरा केला. सर्व अंतराळवीरांनी एकमेकांची गळाभेट घेतली. बुच विल्मोर आणि सुनिता विल्यम्स पुढील काही दिवस नव्याने आंतरराष्ट्रीय अंतराळ स्थानकावर आलेल्या अंतराळवीरांना मार्गदर्शन करतील. नंतर बुच विल्मोर आणि सुनिता विल्यम्स ड्रॅगन यानातून पृथ्वीवर परततील. सर्व काही नियोजनानुसार झाले तर बुधवार १९ मार्च रोजी ड्रॅगन यान आंतरराष्ट्रीय अंतराळ स्थानकावरुन निघेल आणि पुढील काही तासांत अमेरिकेत फ्लोरिडाच्या समुद्र किनाऱ्यावर उतरेल.
बुच विल्मोर आणि सुनिता विल्यम्स हे दोघे बोईंग आणि नासा यांचा संयुक्त प्रकल्प असलेल्या जॉइंट क्रू फ्लाइट टेस्टसाठी अंतराळात गेले होते. त्यांचे काम पूर्ण झाले तरी तांत्रिक समस्येमुळे दोघांनाही नऊ महिने आंतरराष्ट्रीय अंतराळ स्थानकावर थांबावे लागले. अखेर आता दोघे पृथ्वीवर परत येत आहेत.
काय म्हणाले ट्रम्प ?
बायडेन प्रशासनाने बुच विल्मोर आणि सुनिता विल्यम्स यांना आंतरराष्ट्रीय अंतराळ स्थानकावर सोडून दिले पण परत आणण्याची जबाबदारी पार पाडली नाही. आता सत्तांतर झाले आहे. माझ्या आदेशानंतर अॅलन मस्कच्या स्पेसएक्सने नासासोबत काम सुरू केले आहे. लवकरच बुच विल्मोर आणि सुनिता विल्यम्स सुखरुप पृथ्वीवर यावेत हीच इच्छा असल्याचे अमेरिकेचे अध्यक्ष डोनाल्ड ट्रम्प यांनी सांगितले.
मृणालिनी कुलकर्णी कन्नड साहित्यिक भैरप्पा यांनी त्यांना सरस्वती सन्मानाचे मिळालेले ‘पाच लाख रुपये परत करतांना…
डाॅ. स्वाती गानू वयाची दहा-बारा वर्षे मुलांशी आपण किती सहज बोलू शकतो, गप्पा मारू शकतो,…
सतीश पाटणकर नारायण गणेश गोरे तथा नानासाहेब गोरे हे समाजवादी विचारवंत तसेच मराठी लेखक आणि…
डॉ. महालक्ष्मी वानखेडकर इवलासा चिमणीसारखा अस्थिर जीव जेमतेम दहा-बारा सेंटीमीटरचा. नाकापासून ते पाठीपर्यंत काळ्या रंगाचे…
श्रीनिवास बेलसरे चित्रपटसृष्टीतील जुन्या कलाकारांनी, विशेषत: गीतकारांनी, सगळ्या नात्यांना किती सुंदरपणे प्रेक्षकांसमोर आणले ते पाहिले…
गुरुनाथ तेंडुलकर या प्रश्नाचं बाळबोध उत्तर-काहीतरी साध्य करण्यासाठी लागणारं सामान म्हणजे साहित्य. बागेत फुलझाडं लावायची…