ट्रम्प आणि झेलेंस्की यांच्यात शा‍ब्दिक चकमक, युक्रेनच्या अडचणीत वाढ

  58

वॉशिंग्टन डी. सी. : युक्रेनचे अध्यक्ष वोलोडिमिर झेलेंस्की आणि अमेरिकेचे अध्यक्ष डोनाल्ड ट्रम्प यांच्यात शा‍ब्दिक चकमक झाली. अमेरिकेत व्हाईट हाऊसमध्ये ही घटना घडली. यानंतर अमेरिकेच्या सरकारी अधिकाऱ्यांनी युक्रेनच्या शिष्टमंडळला तातडीने व्हाईट हाऊसमधून बाहेर पडण्यास सांगितले. वादामुळे अमेरिका आणि युक्रेनमधील चर्चा फिस्कटली. यामुळे युक्रेनभोवतीचे संकट आणखी वाढण्याची शक्यता आहे.





फेब्रुवारी २०२२ पासून रशिया आणि युक्रेन यांच्यात लष्करी संघर्ष सुरू आहे. हा संघर्ष थांबवा, युद्धबंदी जाहीर करा आणि स्वतःच्या बेचिराख होत असलेल्या देशाला वाचवा असे आवाहन अमेरिकेचे अध्यक्ष ट्रम्प यांनी युक्रेनचे अध्यक्ष झेलेंस्की यांना केले. पण युद्धबंदीस स्पष्ट नकार देत लढाई सुरू ठेवण्याची आक्रमक भाषा झेलेंस्की यांनी बोलून दाखवली. यानंतर ट्रम्प आणि झेलेंस्की यांच्यात व्हाईट हाऊसमध्ये शा‍ब्दिक चकमक झाली.



आपला स्वभाव तडजोड करण्याचा नाही. पण रशिया विरुद्धच्या संघर्षात युक्रेनचा विजय होणार नाही या वास्तवाचे भान राखा आणि स्वतःच्या देशाला वाचवण्यासाठी युद्धबंदी करा, असे आवाहन ट्रम्प यांनी केले. हे आवाहन झेलेंस्की यांनी लगेच फेटाळले. यानंतर सुरू झालेली शा‍ब्दिक चकमक थोडा वेळ तशीच सुरू होती. अखेर ट्रम्प यांनी झेलेंस्की यांच्यासोबतची चर्चा थांबवली. यानंतर अमेरिकेच्या सरकारी अधिकाऱ्यांनी युक्रेनच्या शिष्टमंडळला तातडीने व्हाईट हाऊसमधून बाहेर पडण्यास सांगितले.



आंतरराष्ट्रीय राजकारणाच्या अभ्यासकांच्या मते व्हाईट हाऊसमध्ये दोन देशांच्या नेत्यांमध्ये टोकाचे वाद होण्याची ही एक दुर्मिळ घटना आहे. झेलेंस्की यांनी वास्तवाचे भान राखले नाही आणि वाद वाढवला तर त्यांच्यासाठी हे राजकीयदृष्ट्या घातक ठरण्याची भीती अभ्यासकांनी व्यक्त केली. ट्रम्प यांनी वाद सुरू असताना एक मुद्दा मांडला. ते म्हणाले की, 'अमेरिकेने युक्रेनला ३५० अब्ज डॉलर एवढी प्रचंड मदत दिली. लष्करी मदत केली. शस्त्रसाठा दिला. ही मदत दिली नसती तर युक्रेन दोन आठवडे पण लढू शकला नसता.'... ट्रम्प यांनी मांडलेला हा मुद्दा झेलेंस्की यांनी दुर्लक्षून चालणार नाही. युक्रेनच्या ताकदीविषयी झेलेंस्की यांनी गैरसमज करुन घेऊन चालणार नाही; असे आंतरराष्ट्रीय राजकारणाचे अभ्यासक म्हणाले.
Comments
Add Comment

स्वातंत्र्यदिनी युक्रेनचा रशियाच्या अण्वस्त्र प्रकल्पावर ड्रोन हल्ला; मोठा स्फोट होऊन आग

मॉस्को: युक्रेनने रशियाच्या ऊर्जा प्रकल्पांवर पुन्हा एकदा मोठा ड्रोन हल्ला केला आहे. युक्रेनच्या स्वातंत्र्य

न्यूयॉर्कमध्ये भारतीयांना घेऊन जात असलेल्या बसला अपघात, पाच ठार

न्यूयॉर्क : अमेरिकेतून एक दुःखद बातमी आली आहे. न्यूयॉर्क राज्य महामार्गावर एका बसचा अपघात झाला. नायगरा

अमेरिकेत ५.५ कोटी व्हिसाधारकांवर धोक्याची टांगती तलवार, नियमांचे उल्लंघन केल्यास रद्द होणार व्हिसा

वॉशिंग्टन: अमेरिकेत स्थायिक झालेले किंवा तिथे व्हिसावर वास्तव्यास असलेल्या ५.५ कोटी परदेशी नागरिकांच्या

दक्षिण अमेरिकेत ८ रिश्टर क्षमतेचा भूकंप

वॉशिंग्टन डीसी : भारतीय वेळेनुसार शुक्रवारी सकाळी सात वाजून ४६ मिनिटांनी दक्षिण अमेरिकेत ८.० रिश्टर क्षमतेच्या

'श्री गणेश करूया...' म्हणत रशियन राजदूताने सुरू केली अमेिरकेवर टीका

भारत संबंधांवर परिणाम होणार नसल्याची रशियाकडून हमी मॉस्को : रशियाकडून भारताला मिळणाऱ्या कच्च्या तेलाची आयात

गाझा पट्टीत इस्रायलचे सैनिक, गाझा ताब्यात घेणार

गाझा : इस्रायलच्या सैन्य तुकड्या गाझा पट्टीत घुसू लागल्या आहेत. शक्य तितक्या लवकर संपूर्ण गाझा पट्टी ताब्यात