प्रहार    

पोप फ्रान्सिस यांना झालेला थ्रोम्बोसाइटोपेनिया

  71

पोप फ्रान्सिस यांना झालेला थ्रोम्बोसाइटोपेनिया व्हॅटिकन सिटी : रोमन कॅथोलिक चर्चचे प्रमुख पोप फ्रान्सिस यांना थ्रोम्बोसाइटोपेनिया हा आजार झाला आहे. उपचारांसाठी पोप फ्रान्सिस यांना व्हॅटिकन सिटीतील जेमेली रुग्णालयात दाखल केले आहे.



पोप फ्रान्सिस यांना आधीपासूनच दुहेरी न्युमोनिया, सौम्य प्रमाणात मूत्रपिंड निकामी होणे आणि श्वसनाच्या विविध समस्यांनी ग्रासले आहे. आता त्यांना थ्रोम्बोसाइटोपेनिया हा आजार झाला आहे. आजारी असलेले पोप फ्रान्सिस ८८ वर्षांचे आहेत.



अनेकदा ल्युकेमियासारख्या अस्थिमज्जा विकारांमुळे किंवा कमकुवत झालेल्या रोगप्रतिकारक शक्तीमुळे थ्रोम्बोसाइटोपेनिया हा आजार होतो. काही वेळा औषधांच्या दुष्परिणामांमुळेही थ्रोम्बोसाइटोपेनिया हा आजार होतो. सतत आजारी असणाऱ्या आणि गंभीर आजारांनी त्रस्त असलेल्या रुग्णांना थ्रोम्बोसाइटोपेनिया हा आजार होण्याची शक्यता जास्त असते. पोप फ्रान्सिस प्रदीर्घ काळापासून आजारी आहेत. यामुळे या आजारपणातूनच त्यांना थ्रोम्बोसाइटोपेनिया झाल्याची शक्यता व्यक्त होत आहे.



थ्रोम्बोसाइटोपेनिया या आजाराची प्रमुख लक्षणे

  1. प्लेटलेट काउंट कमी होणे

  2. वारंवार नाकातून रक्त येणे

  3. हिरड्यांतून वारंवार रक्त येणे

  4. दुखापतीमुळे दीर्घकाळ रक्तस्त्राव होणे

  5. त्वचेवर लाल डाग

  6. अशक्तपणा

  7. थकवा


थ्रोम्बोसाइटोपेनिया या आजारावरील उपचार

सामान्यपणे प्लेटलेट काउंट प्रति मायक्रोलिटर रक्तात १५० हजार ते ४५० हजार प्लेटलेट्स एवढा असतो. थ्रोम्बोसाइटोपेनिया हा आजार झालेल्या रुग्णाचे प्लेटलेट काउंट सामान्य व्हावे यासाठी डॉक्टर प्राधान्याने उपचार करतात. औषधे, आराम आणि डॉक्टरांच्या सल्ल्याने घेतलेला आहार यांच्या मदतीने प्लेटलेट काउंट सामान्य करण्याचा प्रयत्न केला जातो. काही वेळा बाहेरुन प्लेटलेट्स देऊन परिस्थिती नियंत्रणात आणण्याचा प्रयत्न केला जातो. पण बाहेरुन दिलेले प्लेटलेट्स शरीराने स्वीकारले नाही तर गंभीर परिस्थिती निर्माण होण्याचा धोका असतो. याच कारणामुळे डॉक्टर बाहेरुन प्लेटलेट्स देण्याआधी इतर पर्याय तपासून बघतात.
Comments
Add Comment

'ऑपरेशन सिंदूर'मध्ये एफ-१६ विमान पाडल्याच्या दाव्यावर अमेरिकेचे मौन

वॉशिंग्टन: भारत आणि पाकिस्तान यांच्यात ७ ते १० मे दरम्यान झालेल्या 'ऑपरेशन सिंदूर' या ८८ तासांच्या संघर्षात

दक्षिण कोरियात माजी राष्ट्रपतींच्या पत्नीला अटक

सियोल : दक्षिण कोरियामध्ये माजी राष्ट्राध्यक्ष यून सुक येओल यांच्या पत्नी किम केओन यांना शेअर बाजारातील फसवणूक

सोन्यावर कोणतेही शुल्क आकारले जाणार नाही- ट्रम्प

वॉशिंग्टन : अमेरिकेचे राष्ट्राध्यक्ष डोनाल्ड ट्रम्प यांनी एक मोठी घोषणा केली. 'ट्रम्प यांनी सोन्यावर कोणताही कर

युक्रेनची पुन्हा फाळणी होऊ देणार नाही: झेलेंस्की ठाम

काही प्रदेशांच्या अदलाबदलीची ट्रम्प यांची वादग्रस्त भूमिका कीव्ह : रशियाशी सुरू असलेल्या युद्धात युक्रेनचा

पश्चिम तुर्कीला ६.१ रिश्टर स्केल भूकंपाचा जोरदार धक्का; एकाचा मृत्यू, अनेक जखमी

इस्तंबूल: रविवारच्या रात्री पश्चिम तुर्कीमध्ये ६.१ रिश्टर स्केल तीव्रतेचा जोरदार

सावधान! तुम्ही सगळ्या गोष्टींसाठी ChatGPT वापरता का? तर हे जरूर वाचा...

ChatGPTवर डोळे झाकून ठेवला विश्वास, रुग्णालयात करावे लागले दाखल न्यूयॉर्क: ChatGPTचा वापर करून अनेक कामे केली जाऊ शकतात.