Friday, February 7, 2025
Homeराशिभविष्यWeekly Horoscope : साप्ताहिक राशिभविष्य, २ ते ८ फेब्रुवारी २०२५

Weekly Horoscope : साप्ताहिक राशिभविष्य, २ ते ८ फेब्रुवारी २०२५

साप्ताहिक राशिभविष्य, २ ते ८ फेब्रुवारी २०२५

रखडलेली कामे पूर्ण करू शकाल

मेष : या सप्ताहात सुरुवातीला मिश्र फळे मिळतील. रोजच्या दैनंदिन कार्यात अडथळे निर्माण होण्याची शक्यता. महत्त्वाची कामे पुढे ढकलली गेल्यामुळे स्वभावात चिडखोरपणा येईल. आपल्या वागण्यात विनयशीलता आवश्यक आहे. स्वतःच्या वागण्यावर तसेच बोलण्यावर नियंत्रण आवश्यक राहील. कुटुंबात तसेच आपल्या कार्यस्थळी लहान-सहान कारणांवरून वाद निर्माण होऊ शकतात. ते टाळलेले हितकारक ठरेल. नोकरीत राजकारण तसेच गटबाजीपासून अलिप्त राहण्यात आपले हित आहे. तसेच इतर कोणावरही शेरेबाजी करू नका. नोकरीत सहकाऱ्यांचे तसेच वरिष्ठांचे अपेक्षित सहकार्य मिळत राहील. अर्धवट रखडलेली कामे पूर्ण करू शकाल.

नियोजन सफल होईल

वृषभ : आरोग्य चांगले राहून आरोग्याच्या चिंता मिटतील. कुटुंब परिवारातील तरुण-तरुणींनी आपल्या संगतीवर विशेष लक्ष ठेवण्याची आवश्यकता आहे. कुसंगत टाळा तसेच मूर्खांच्या नंदनवनात रमू नका. वेळेचा अपव्यय टाळून होणारे नुकसान कमी करता येईल. विद्यार्थ्यांना आपल्या अभ्यासावर लक्ष केंद्रित करण्याची आवश्यकता आहे. आर्थिक आघाडी मजबूत राहील. जुन्या गुंतवणुका फायदेशीर होतील. नवीन गुंतवणूक यशस्वी ठरतील मात्र नवीन गुंतवणूक करताना त्या त्या क्षेत्रातील तज्ज्ञांचा सल्ला उपयोगी पडू शकतो. व्यवसाय धंद्यात प्रगतिकारक कालावधी आहे. काही नवीन फायद्याचे सौदे हाती येतील. व्यवसाय विस्ताराच्या योजना तसेच नियोजन सफल होईल. व्यावसायिक प्रदर्शने यशस्वी होतील. व्यावसायिक जुनी येणी वसूल होतील.

प्रगती झालेली दिसेल

मिथुन : या आठवड्यात एकूण बहुतेक क्षेत्रात प्रगती झालेली दिसेल मात्र प्रयत्नात कमी पडू देऊ नका. तसेच इतरांवर अवलंबून न राहता स्वतःची कामे स्वतः करा. आळस, चालढकल नको. कुटुंब परिवारातील उत्साही आनंदी वातावरणाचा लाभ घेता येईल. तरुण-तरुणींना आपला मनपसंत जीवनसाथी निवडता येईल. काहींचे परिचयोत्तर विवाह निश्चित होतील. प्रेम प्रकरणात यश मिळून सकारात्मक प्रतिसाद मिळेल. वैवाहिक जीवनात सुवार्ता मिळतील. नवपरिणीत त्यांना अपत्य योग, व्यवसाय-धंदा-नोकरीत अपेक्षित लाभ मिळतील. जुनी व्यावसायिक येणी वसूल झाल्यामुळे कर्जमुक्तीचे समाधान अनुभवण्यास मिळेल. तसेच नवे करारमदार होतील. प्रवासाचे योग.

सरकारी कामात यश मिळेल

कर्क : स्वतःच्या आरोग्याकडे पुरेसे लक्ष द्या. खाण्यापिण्यावरील निर्बंध अवश्य पाळा. काही वेळेस मानसिक अस्वास्थ्य निर्माण करणाऱ्या घटना निर्माण होऊ शकतात. सतर्क राहणे गरजेचे ठरेल. विशेषतः लहान-मोठे आर्थिक व्यवहार करताना सावध राहणे नितांत गरजेचे असेल. नोकरी तसेच व्यवसायात मनाविरुद्ध घटनांना काही वेळेस सामोरे जावे लागू शकते. खर्चात अचानक झालेली वाढ आश्चर्यचकित करेल. कुटुंबातील सदस्यांच्या मागण्या वाढतील. सरकारी स्वरूपाच्या कामात यश मिळेल.व्यवसाय धंद्यातील आर्थिक गरज भागेल. सरकारी कायदे-कानून निर्बंध पाळा. सरकारी स्वरूपाच्या कामात यश मिळेल. दीर्घकाळ रखडलेली कार्य पूर्ण कराल.

उत्साही आणि आनंदी राहाल

सिंह : शुभ ग्रहमान लाभल्यामुळे हा आठवडा अविस्मरणीय ठरू शकतो. बहुतेक शेतात शुभ फळे प्रतिपादित झाल्यामुळे उत्साही आणि आनंदी राहाल. आत्मविश्वासामध्ये वाढ होईल. कुटुंब परिवारातील विवाहयोग्य तरुण-तरुणींच्या समस्या सुटतील. विवाह करण्यातील अडचणी दूर होऊन विवाह निश्चित होतील. कुटुंब परिवारात आनंदी आणि उत्साही वातावरण लाभेल. आलेली संकटे परस्पर जातील. चिंतामुक्त व्हाल. रोगांवर मात कराल. नोकरी-व्यवसाय- धंद्यातील परिस्थिती समाधानकारक राहून आर्थिक प्रगती होईल. व्यावसायिक उत्पन्नात वृद्धी होईल.

प्रवास घडू शकतो

कन्या : कुटुंब-परिवारात वादविवाद टाळणे महत्त्वाचे ठरेल. विशेषतः कुटुंबातील मुला-मुलींबरोबर वादविवाद अथवा मतभेदांची शक्यता तसेच मुला-मुलींनी कुसंगती टाळणे महत्त्वाचे ठरेल. नाही त्या गोष्टींच्या मागे लागून कुटुंबातील शांततेचा भंग होऊ शकतो. प्रेम प्रकरणात जरा जपूनच पुढील पावले उचलणे आवश्यक आहे. विरोधात प्रखरता येऊ शकते. व्यवसाय-धंद्यात कलहदृश प्रसंग टाळावेत. सहकुटुंब, सहपरिवार अथवा मित्रमंडळ यांच्यासमवेत प्रवास घडू शकतो. स्वतःच्या क्रोधावर नियंत्रण आवश्यक राहील.

मार्गदर्शन लाभेल

तूळ : या आठवड्यात आपल्या वागण्यावर तसेच बोलण्यावर नियंत्रण ठेवण्याची नितांत गरज आहे. नोकरी-व्यवसाय- धंद्याच्या ठिकाणी लहान-सहान अथवा किरकोळ कारणावरून वादविवाद घडण्याची शक्यता आहे. कुटुंब परिवारात इतरांच्या मतास उचित प्राधान्य द्या. कुटुंब परिवारातील तरुण-तरुणींना स्पर्धात्मक यश मिळेल. उच्च शिक्षण घेण्यातील अडथळे दूर होऊन गुरुजनांचे मार्गदर्शन लाभेल. कुटुंबातून मदत मिळू शकते. चालू नोकरीत अनुकूल परिस्थिती राहील. वरिष्ठांचे तसेच सहकाऱ्यांचे सहकार्य लाभेल. परदेशगमनाची संधी तसेच नोकरीसह व्यवसाय धंद्यात अनपेक्षित धनलाभाची शक्यता.

मानसन्मानाचे योग

वृश्चिक : नोकरी-व्यवसाय धंद्यातील परिस्थिती समाधानकारक राहून आर्थिक परिस्थिती उत्तम राहील. त्यामुळे कुटुंब परिवारातील सदस्यांच्या वाढत्या मागण्या पूर्ण केल्याचे समाधान मिळेल. आपल्या प्रत्येक लहान मोठ्या निर्णयात आपल्या जीवनसाथीची महत्त्वाची भूमिका असेल. सरकारी स्वरूपाच्या नोकरीत मानसन्मानाचे योग बढतीची तसेच वेतन वृद्धिची शक्यता, अतिरिक्त कार्यभार सोपवला जाऊ शकतो मात्र बदलीची तयारी ठेवावी. त्याचप्रमाणे लहान-मोठ्या प्रलोभनांपासून अलिप्त राहणे हिताचे ठरेल. व्यवसाय- धंद्यात नव्या संकल्पनांचा वापर पोषक ठरेल.

वाद-विवाद मिटतील

धनू : सदरील कालावधी सर्वतोपरी शुभंकर म्हणता येईल. आपल्या समोरील महत्त्वाचे ध्येय गाठण्यात यश मिळेल. महत्वाची कार्ये पूर्ण करता येतील. रखडलेल्या कामांना गती मिळेल. जमीन व मालमत्तेच्या संदर्भातील कार्य पूर्ण करण्यासाठी वेळ द्या. वडिलोपार्जित संपत्तीविषयी असलेले वाद-विवाद मिटतील. नोकरी-व्यवसाय धंद्यातील आलेले संकट दूर होईल. आर्थिक मदत मिळेल. नोकरीतील समस्या सुटतील. नवे व्यवसाय प्रकल्प सुरू करता येतील. महत्त्वाचे करारमदार होतील. कर्ज मंजूर होतील.

शांतपणे निर्णय घ्या

मकर : विशेषतः तरुण-तरुणींनी शिस्तबद्ध रीतीने वागणे आवश्यक आहे. तसेच कटाक्षाने कुसंगत टाळा ते हिताचे ठरेल. आपले कार्य साधण्यासाठी कोणत्याही गैरमार्गाचा अवलंब करू नका. एखादा निर्णय घेताना त्याचा पूर्णपणे विचार करूनच शांतपणे निर्णय घ्या. नोकरी, आपल्या कामाविषयीचे ज्ञान अद्ययावत ठेवा. वक्तशीर राहा. शिस्त पाळा. कामात चालढकल नको. सरकारी स्वरूपाच्या नोकरीमध्ये आपल्या अधिकाऱ्याच्या कार्यकक्षा ओळखून आपले काम पूर्ण करा. लहान-मोठ्या प्रलोभनांना बळी पडू नका. प्रलोभनांतून फसवणूक होऊ शकते. व्यवसाय धंद्यातील कायदे अवश्य पाळा. कामगारांविषयीच्या समस्या उद्भवू शकतात. सकारात्मक दृष्टिकोन ठेवणे.

संधी उपलब्ध होतील

कुंभ : या कालावधीत आपल्याला नशिबाची साथ मिळण्याबरोबरच शुभ ग्रहांची साथसंगत लाभल्यामुळे होणाऱ्या कुयोगावर यशस्वी मात करता येईल. नियोजित कार्य वेळेवर पूर्ण होतील. सरकारी स्वरूपाच्या कामात ओळखी, मदतीचा उपयोग होईल. दीर्घकाळ रखडलेली कामे गतीमान होतील. वास्तुविषयक कार्य, जमीनजुमला याविषयीची कार्य पूर्णत्वाच्या मार्गावर असतील. कुटुंब परिवारातील वातावरण आनंदी राहून कुटुंबातील तरुण-तरुणींचे प्रश्न संपुष्टात येतील. विद्यार्थ्यांना अपेक्षित यश मिळण्याबरोबरच आपल्या आवडत्या क्षेत्रात कार्य करण्याच्या संधी उपलब्ध होतील. प्रेमात सकारात्मक प्रतिसाद मिळेल. काहींचे परिचयोत्तर विवाह ठरतील.

प्रयत्नांना यश लाभेल

मीन : लहान-मोठ्या आर्थिक व्यवहारात सावधानता बाळगणे आवश्यक आहे. सर्वच बाबतीत विचित्र आर्थिक कोंडी झाल्यासारखे अनुभवण्यास मिळू शकते. खर्च वाढू शकतो. त्यातच कुटुंबातील सदस्यांच्या मागण्या वाढतील. व्यवसाय धंद्यावर बदलत्या सहकारी गुणांचा प्रतिकूल परिणाम होण्याची शक्यता आहे. सतर्क राहा. नव्या नियोजनाची गरज भासू शकते. मात्र उलाढाल वाढल्याने व्यावसायिक तेजी अनुभवू शकाल. व्यवसायिक उत्सव प्रदर्शने यशस्वी होऊन परदेशी व्यापाराच्या संधी उपलब्ध होतील. चालू नोकरी बदलण्याचा विचार असल्यास त्या दृष्टीने केलेल्या प्रयत्नांना यश लाभेल. वैवाहिक जीवनातील प्रश्न सुटतील.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -