चांदोबाच्या देशात : कविता आणि काव्यकोडी

झाडावर चढू,
आकाशात उडू
ढगांच्या गादीवर,
धपकन पडू

मऊ मऊ ढगांवर,
घडीभर लोळू
चमचम चांदण्याशी,
लपाछपी खेळू

पळणाऱ्या चांदोबाच्या,
मागे मागे धावू
चांदण्यांच्या पंक्तीला,
पोटभर जेवू

चांदोबाशी गोडीनं,
खूप खूप बोलू
घरातल्या गमती,
सांगत चालू

चालून चालून,
दुखतील पाय
चांदोबा बोलेल मला,
“दमलास काय?

बस माझ्या पाठीवर,
फिरायला जाऊ
आकाशगंगा जरा,
जवळून पाहू”

चांदोबाच्या पाठीवर,
पटकन बसू
आकाशात फिरताना,
ताऱ्यांसारखं हसू

काव्यकोडी - एकनाथ आव्हाड


१)जीवनलहरी, विशाखा
वादळवेल, छंदोमयी
काव्यामृताचा आस्वाद
कविता यांची देई

पृथ्वीचे प्रेमगीत
त्यांनीच खरे गायले
नटसम्राट नाटक
कोणी बरं लिहिले ?

२) साप दिसताच
म्हणतात बापरे !
रडला कुणी की
म्हणतात अरेरे!

भावनांच्या रसात
बुडून उभे राही
कोणते हे चिन्ह
लिखाणात येई?

३) तीन कोनांचा
होई त्रिकोण
चार कोनांचा
अर्थात चौकोन

पाच कोनांच्याला
पंचकोन म्हणतो
सहा कोनांच्याचं
नाव काय सांगतो ?

उत्तर -

१) कुसुमाग्रज
२) उद्गारवाचक चिन्ह
३) षटकोन
Comments
Add Comment

मनाची श्रीमंती!

कथा : रमेश तांबे दिवाळी नुकतीच संपली होती. दिवाळीचे चार-पाच दिवस कसे संपले हे नमिताला कळलेच नव्हते. दिवाळी येणार

पारदर्शक पदार्थ

कथा : प्रा. देवबा पाटील सीता व निता या दोघी बहिणींना जशी अभ्यासाची गोडी होती तशीच वाचनाचीसुद्धा आवड होती. त्या सतत

बदलांचा स्वीकार!

खरे तर बदलांचा स्वीकार करणे याला खूप चांगला इंग्रजी शब्द आहे ऍडॉप्शन! आपण कितीही मनात आणले तरी आपल्याला हवे तसे

कचरा कचराकुंडीतच टाकावा !

लहानशा गोष्टी, मोठा अर्थ : शिल्पा अष्टमकर ‘स्वच्छ मुंबई ,सुंदर मुंबई ‘ असे फलक मुंबईत ठिकठिकाणी आपण पाहतो. अनेक

सूर्यप्रकाशाचे रंग

कथा : प्रा. देवबा पाटील सीता आणि नीता या सख्ख्या बहिणीच असल्याने दोघींचे आपसातही छान मेतकूट जमायचे. दोघीही नेहमी

खरी पूजा

कथा : रमेश तांबे अजितच्या घराजवळच गणपतीचं एक मंदिर होतं. त्याची आजी दररोज सकाळी पूजेसाठी मंदिरात जायची. जवळजवळ