Family Court : इंजिनिअर पतीचे ‘विचित्र चाळे पोहोचले कोर्टात! काय आहे नेमका प्रकार ?

मुंबई : मेकॅनिकल इंजिनिअर असलेल्या एका सुशिक्षित व्यक्तीने लग्नाच्या काही वर्षांनंतर महिलेसारखे कपडे परिधान करणे, मेकअप करणे असे विचित्र प्रकार तो करत होता. एवढेच नाही तर त्याने ओठांवर लिपस्टिकही लावायला सुरुवात केली. याला पत्नीचा विरोध असून ती या सवयी पाहून थक्क झाली. तसेच, त्याने आधार कार्डमध्येही आपले नाव बदलले आहे. अखेर या सगळ्या गोष्टींना कंटाळून पत्नीने त्याच्याकडून घटस्फोट मागितला आहे. याप्रकरणी कुटुंब न्यायालयात घटस्फोटाची याचिका दाखल करण्यात आली आहे.

काय आहे नेमके प्रकरण ?

मिळालेल्या माहितीनुसार, याचिका दाखल करणाऱ्या महिलेच्या वकिलाने सांगितले की, दोघांचेही लग्न २०१३ मध्ये झाले होते. इंजिनिअर एका बहुराष्ट्रीय कंपनीत काम करतो. लग्नाच्या जवळपास चार वर्षांनंतर, २०१७ मध्ये एका मुलाचा जन्म झाला. त्यानंतर २०२१ पर्यंत दोघांचेही वैवाहिक जीवन चांगले चालले होते. २०२१ मध्ये कंपनीच्या कामामुळे इंजिनिअर पतीला बंगळुरूला जावे लागले. बंगळुरूवरून परत येताच त्याचे वर्तन पूर्णपणे बदलले. तो साडी नेसू लागला.

मी साडीच नेसणार…

सुरुवातीला इंजिनिअरच्या पत्नीला वाटले की, तिचा पती मस्करी करत आहे. पण तो दररोज साडी नेसू लागला. साडी नेसण्यामागचे कारण विचारले असता, त्याने सांगितले की, दररोज साडी परिधान करणे आवडत असून मला स्त्री व्हायचे आहे. यावेळी पत्नीने त्याला समजावून सांगण्याचा खूप प्रयत्न केला, मात्र तो तिचे ऐकायला तयार नव्हता. त्याने स्त्री होण्यासाठी स्वतःवर उपचार करायचे ही ठरवले. याचबरोबर, या पतीने आपल्या पत्नीला १८ लाख रुपयेही दिले आणि स्वतः बंगळुरूमध्ये राहायला गेला.

अखेर पत्नी कंटाळून म्हणाली…

यादरम्यान, घर चालवण्यासाठी इंजिनिअरच्या पत्नीने एका खाजगी कंपनीत काम करायला सुरुवात केली. त्याच्या पत्नीने त्याला समजावण्याचा वारंवार प्रयत्न करूनही काहीही निष्पन्न झाले नाही. अखेर पत्नीने घटस्फोट घेण्याचा निर्णय घेतला. आता घटस्फोटासाठी न्यायालयात अर्ज दाखल केला असून ही आगळीवेगळी केस न्यायालयात सुरू आहे .