नववर्षाच्या पूर्वसंध्येला ठाणे पोलीस आयुक्तालय (ठाणे ते बदलापुर आणि भिवंडी) क्षेत्रात वाहतूक पोलिसांनी ८५ ठिकाणी नाकेबंदी केली होती. या नाकेबंदीच्या सापळ्यात तब्बल ३११ मद्यपी चालक सापडले. तर ५८ सहप्रवाश्यावरही कारवाई केली आहे. वाहतूक नियमाचे उल्लंघन करणाऱ्या वाहन चालकांवर कायदेशीर कारवाई करण्यात आली. ३१ डिसेंबरच्या रात्री सर्वाधिक कारवाया करण्यात आल्या. यात ३११ मद्यपी चालक तावडीत सापडले. यामध्ये ठाणे ते दिवा १२०, भिवंडी ६०, डोंबिवली- कल्याण ७० आणि उल्हासनगर ते बदलापूरमध्ये ६१ मद्यपीं चालकांवर कारवाई केल्याची माहिती वाहतुक उपायुक्त पंकज शिरसाठ यांनी दिली.
