मावळ : नववर्ष सुरु (New Year 2025) होण्यास काही तास शिल्लक राहिले आहेत. सरत्या वर्षाला निरोप देण्यासाठी आणि नववर्षाच्या स्वागतासाठी अनेकजण पर्यटन स्थळांना भेट देत आहेत. यावेळी मोठ्या संख्येने मुंबईकर नजीक असणारे पर्यटन स्थळ लोणावळा (Lonavala) येथे भेट देतात. त्यामुळे लोणावळ्यात थर्टी फस्ट साजरी (31st Celebration) करायला जाणाऱ्यांसाठी महत्त्वाची बातमी समोर आली आहे.
रिलायन्स फाऊंडेशनकडून गरजू विद्यार्थ्यांना मिळणार 2 लाखांची शिष्यवृत्ती मुंबई : अंबानी कुटुंबाच्या माध्यमातून चालवल्या जाणाऱ्या रिलायन्स ...
प्रशासनाने थर्टी फस्टच्या पार्श्वभूमीवर काही ठिकाणांवर बंदी घातली आहे. लोणावळ्यात फिरण्यासाठी येणाऱ्या पर्यटकांसाठी वेगवेगळे स्पॉट आहे. त्यामुळे याठिकाणी पर्यटकांची गर्दी मोठ्या प्रमाणात असते. मात्र थर्टी फार्स्टच्या पार्श्वभूमीवर लोणावळा येथील टायगर पॉईंट, लायन्स पॉईंटवर पर्यटकांना बंदी घालण्यात आली आहे. हा नियम ३१ डिसेंबर आणि १ जानेवारी रोजी लागू असणार आहे, असे आदेश वडगाव मावळ वनपरिक्षेत्र अधिकाऱ्यांनी दिले आहेत.
दरम्यान, लोणावळा येथील टायगर पॉईंट व लायन्स पॉईंट हे सन सेट पाहण्यासाठी चांगले ठिकाण आहे. यामुळे दरवर्षी याठिकाणी पर्यटकांची मोठी गर्दी होत असते. मात्र यंदा याठिाकणी बंदी असल्यामुळे २०२४ वर्षाचा शेवटचा सनसेट पर्यटकांना पाहता येणार नाही.
