मुंबई : राज्यात विधानसभेच्या मतदानादिवशी सुट्टी जाहीर करण्यात आली आहे. राज्यात २० नोव्हेंबर रोजी सुट्टी असणार आहे. यासाठी मतदानासाठी सुट्टी देण्याबाबत सरकारने परिपत्रक जाहीर केले आहे.
महाराष्ट्रात विधानसभा निवडणुकीचे पडघम वाजले आहेत. महाराष्ट्र शासनाने २० नोव्हेंबर म्हणजे मतदानाच्या दिवशी सुट्टी जाहीर केली आहे. राज्यातील सर्व मतदारांना मतदानाचा हक्क बजावता यावा, यासाठी शासनाने सुट्टी जाहीर करण्याचा निर्णय घेतला.
राज्यातील विविध मतदारसंघातील व्यवसाय, व्यापार, औद्योगिक उपक्रम आणि इतर कोणत्याही आस्थापनेत कार्यरत असणाऱ्या लोकांना मतदान करण्याचा अधिकार आहे. यानुसार, उद्योग विभागात येणाऱ्या उद्योग समूह, महामंडळे, कंपन्या आणि संस्था किंवा इतर आस्थापनांना हे शासन परिपत्रक लागू राहील. या दिवशी सुट्टी मंजूर झाल्याने या व्यक्तीच्या पगारात कोणतीही कपात केली जाणार नाही.
