पुणे : विद्येचे माहेरघर मानले जाणाऱ्या पुणे शहरातून (Pune News) धक्कादायक बातमी समोर आली आहे. पुण्यात बदलापूर अत्याचार प्रकरणाची पुनरावृत्ती घडली आहे. एका धावत्या स्कूल बसमध्ये चालकाने दोन चिमुरड्यांवर अत्याचार (Crime) केल्याचा विकृत प्रकार समोर आला आहे. या घटनेमुळे परिसरात एकच खळबळ उडाली आहे.
मिळालेल्या माहितीनुसार, पुण्यातील एका नामांकित शाळेतील विद्यार्थीनींसोबत हा प्रकार घडला आहे. स्कूल बस चालक मागील चार दिवसांपासून बसच्या पुढे बसणाऱ्या सहा वर्षीय चिमुकल्यांवर लैंगिक अत्याचार करीत होता.
दरम्यान, अल्पवयीन चिमुरडी घरी परतल्यानंतर तिला प्रायव्हेट पार्टच्या ठिकाणी वेदना होत होत्या. त्यानंतर मुलीच्या आईने तिची विचारपूस केली असता चिमुकलीने तिच्यासोबत घडलेला सर्व प्रकार आईला सांगितला. त्यानंतर हा धक्कादायक प्रकार उघडकीस आला आहे. अत्याचार प्रकरणी ४५ वर्षीय नराधम स्कूल बस चालकावर वानवडी पोलीस स्थानकात गुन्हा दाखल करण्यात आला आहे.
