टेलिग्राम मेसेजिंग ॲपचा पण एक मोठा वर्ग इतर समाज माध्यमांप्रमाणेच जगभर पसरलेला आहे. या सोशल मिडिया प्लॅटफॉर्मवर अनेक जण आहेत. काही वर्षांपूर्वी भारतात व्हॉट्सॲप बॉयकॉटची टीम आली होती. त्यावेळी टेलिग्राम हे ॲप भारतीय असल्याचा खोटा प्रचार पण करण्यात आला होता. डुरोव हे दुबईत स्थायिक झाले आहेत. ते मुळत: रशियनचे आहेत. त्यांनी 2014 मध्येच रशियारशिया सोडलं होत.
का केली अटक
फ्रान्समधील मीडियानुसार, डुरोव यांना टेलिग्राम ॲप संबंधी एका प्रकरणात अटक करण्यात आली आहे. टेलिग्रामवर त्यांचे नियंत्रक नसल्याचे फ्रान्स सरकारचे म्हणणे आहे. या ॲपच्या माध्यमातून फ्रान्समध्ये काहीतरी गुन्हेगारी कृत्य घडल्याचा ठपका आहे. तेव्हापासून फ्रान्स सरकारने या ॲपच्या घडामोडीवर लक्ष केंद्रीत केलं आहे. या मॅसेजिंग ॲपवर नियत्रंक नसल्याने गुन्हेगारी घडामोडीत त्याचा वापर जास्त प्रमाणात वाढल्याचा आरोप करण्यात आला आहे.
रशियाची भूमिका काय?
टेलिग्रामतर्फे या कारवाईनंतर पावेल यांच्यावरील अद्याप कोणतेही स्पष्टीकरण दिलेले नाही. तर दुसरीकडे फ्रान्स सरकार तसेच तेथील पोलिसांनाही यावर काहीच स्पष्टीकरण दिलेले आहे. मात्र रशियाने या कारवाईवर भूमिका घेतली आहे. नेमकं काय घडतंय, सध्याची स्थिती काय आहे, जे जाणून घेण्यासाठी आम्ही प्रयत्न करत आहोत, असे रशियाने म्हटले आहे.
