रामललाच्या मूर्तिकाराला अमेरिकेने नाकारला व्हिसा

कुटुंबासह कार्यक्रमात सहभागी होणार होते अरुण योगीराज

नवी दिल्ली : अयोध्येत रामललाची मूर्ती घडवणारे शिल्पकार अरुण योगीराज आणि त्यांच्या कुटुंबीयांना अमेरिकेने व्हिसा देण्यास नकार दिला. त्यांनी असोसिएशन ऑफ कन्नड कोड्स ऑफ अमेरिकाचा कार्यक्रम विश्व कन्नड अधिवेशन-२०२४ मध्ये सहभागी होण्यासाठी अर्ज केला होता. ही परिषद वर्षातून दोनदा आयोजित केली जाते, ज्याचा उद्देश जगभरातील विविध वांशिक समुदायांच्या सदस्यांना एकत्र आणणे हा आहे.

अमेरिकन दूतावासाने अरुण योगीराज यांचा अर्ज का फेटाळला याचे कारण अद्याप दिलेले नाही. व्हिसा न मिळाल्याने अरुण योगीराज यांच्या कुटुंबीयांनी निराशा व्यक्त केली आहे. अरुण योगीराज यांनी अयोध्येतील राम मंदिरात रामललाची मूर्ती बनवली होती. त्यांचे कुटुंबीय अनेक पिढ्या हे काम करत आहेत. अरुण योगीराज यांनीही अमेरिकेच्या बाजूने व्हिसा न दिल्याचे मान्य केले आहे. अरुण योगीराज यांच्या म्हणण्यानुसार त्यांनी व्हिसाशी संबंधित सर्व कागदपत्रे सादर केली होती, तरीही त्यांना व्हिसा देण्यात आलेला नाही. अरुण योगीराज यांनी केवळ २० दिवसांच्या टुरिस्ट व्हिसासाठी अर्ज केला होता, मात्र असे असतानाही आंतरराष्ट्रीय ख्यातीचे शिल्पकार असलेल्या योगीराज यांना अमेरिकेने व्हिसा दिलेला नाही.