मुंबई: प्रत्येक महिलेला वाटते की आपले केस लांब आणि घनदाट असावेत. मात्र ज्यांचे केस पातळ असतात ते केस निरोगी आणि घनदाट बनवण्यासाठी विविध उपाययोजना करत असतात. केस लांब, घनदाट आणि मजबूत करण्यासाठी बऱ्याच गोष्टी कराव्या लागतात. काही गोष्टींचा आपल्या डाएटमध्ये समावेश केल्यास तुम्ही घनदाट केस मिळवू शकता.
अंडी
केसांना पुरेसे प्रोटीन देण्यासाठी तुम्ही अंडी खाऊ शकता. प्रोटीनने भरपूर असलेल्या अंड्याचा डाएटमध्ये समावेश केल्यास फायदा होतो. तुम्ही दररोज नाश्त्यामध्ये अंडी खाऊ शकता. तसेच संध्याकाळच्या वेळेसही अंड्याचे सेवन केले जाऊ शकते.
पालक
केसांसाठी पालक खाणे फायदेशीर आहे. कारण पालकामध्ये लोह मोठ्या प्रमाणात असते. शरीरात आर्यनची कमतरता असल्यास केस गळू लागतात. यामुळे डाएटमध्ये लोहचा समावेश करा.
ड्रायफ्रुट्स
केसांच्या चांगल्या वाढीसाठी ओमेगा ३ फॅटी अॅसिडचे सेवन करणे चांगले असते. जसे बदाम, अक्रोडमध्ये ओमेगा ३ फॅटी अॅसिडचे प्रमाण भरपूर असते.
आंबट फळे
व्हिटामिन सी शरीरात आर्यन शोषण्यास मदत करतात. यामुळे आपल्या डाएटमध्ये आंबट फळांचा समावेश करावा.
गाजर
व्हिटामिन ए ने भरपूर गाजर केसांच्या वाढीसाठी अतिशय फायदेशीर आहे. व्हिटामिन ए स्काल्पला नैसर्गिक सीबम बनवण्यास मदत करतात. तसेच केसांची मुळेही निरोगी ठेवतात.
