मुंबई: भारतीय क्रिकेट संघ आपल्या पुढील मिशनसाठी श्रीलंकेला पोहोचली आहे. संघासोबतच नवे कोच गौतम गंभीरही सोबत आहेत. एक प्रशिक्षक म्हणून गौतम गंभीर यांचा पहिलाच दौरा आहे.
भारतीय संघ श्रीलंका दौऱ्यावर ३ टी-२० सामन्यांची मालिका आणि ३ वनडे सामन्यांची खेळणार आहे. भारतीय संघ श्रीलंकेत पोहोचल्यावर अनेक फोटो तसेच व्हिडिओज सोशल मीडियावर व्हायरल होत आहेत. या दौऱ्याची सुरूवात २७ जुलैला होत आहे.
भारत आणि श्रीलंका यांच्यात पहिला टी-२० सामना २७ जुलैला होईल. टी-२० मालिका पल्लेकलमध्ये होत आहे. त्यानंतर कोलंबोमध्ये वनडे मालिका खेळवली जाईल. दोन्ही संघादरम्यानचा पहिला वनडे सामना २ ऑगस्टला होईल. यानंतर शेवटचा वनडे सामना ७ ऑगस्टला खेळवला जाईल. यानंतर हा दौरा संपून जाईल.
श्रीलंका दौऱ्यात टी-२०चे नेतृत्व सूर्यकुमार यादवच्या हाती देण्यात आले आहे. तर वनडेची कमान वर्ल्ड चॅम्पियन कर्णधार रोहित शर्माच्या हाती आहे.
#WATCH | Mumbai | Indian Men's Cricket Team arrives at the Airport, they'll leave for Sri Lanka, shortly.
Indian Cricket Team will play the ODI and T20I series, 3 matches each, against Sri Lanka, starting on July 27 and ending on August 7. pic.twitter.com/ZmBmBqLasH
— ANI (@ANI) July 22, 2024
भारत-श्रीलंका मालिकेचे वेळापत्रक
२७ जुलै पहिला टी-२० सामना, पल्लेकल
२८ जुलै दुसरा टी-२० सामना, पल्लेकल
३० जुलै तिसरा टी-२० सामना, पल्लेकल
२ ऑगस्ट पहिला वनडे सामना, कोलंबो
४ ऑगस्ट दुसरा वनडे सामना, कोलंबो
७ ऑगस्ट तिसरा वनडे सामना कोलंबो
