Sharad Pawar on Uddhav Thackeray : उद्धव ठाकरेंनी शरद पवारांनाही फसवले! शरद पवार यांनीच केला खुलासा!

पुणे : विधान परिषदेच्या निवडणुकीत उद्धव ठाकरे हे दिलेल्या शब्दाला जागले नाहीत. उद्धव ठाकरे यांनी गद्दारी करत विधान परिषदेच्या निवडणुकीत ऐनवेळी उमेदवार उभा केल्याने महाविकास आघाडीच्या जयंत पाटलांचा पराभव झाल्याचे राष्ट्रवादी काँग्रेस शरदचंद्र पवार पक्षाचे अध्यक्ष शरद पवार यांनी पत्रकार परिषदेत सांगितले.

जयंत पाटलांना विधान परिषदेत उमेदवारी दिली असताना उद्धव ठाकरेंनी उमेदवार दिला. निवडणुकीत आमचा उमेदवार नव्हता, तर जयंत पाटलांना आमची मते देऊ असे उद्धव ठाकरे यांनी सांगितले होते. दुसऱ्या क्रमांकाच्या मतांवरून सुद्धा आम्ही चर्चा केली होती. परंतु ऐनवेळी उमेदवार उभा केल्याने आमच्या उमेदवाराचा पराभव झाला, असे पवार म्हणाले.

आज पुण्यामध्ये पुणे श्रमिक पत्रकार संघाकडून आयोजित करणाऱ्या वार्तालापमध्ये शरद पवार यांनी विविध प्रश्नांवर दिलखुलास उत्तरे दिली. त्याचबरोबर जोरदार राजकीय फटकेबाजी सुद्धा केली. लोकसभा निवडणुकीत जास्त जागा घेऊन जास्त उमेदवार निवडून आणण्यात यश आले नाही. विधान परिषदेला सुद्धा उमेदवार दिला. त्यामुळे महाविकास आघाडीमध्ये उद्धव ठाकरे हट्ट करतात का? असा प्रश्न शरद पवार यांना विचारण्यात आला. यावेळी शरद पवार यांनी उत्तर दिले.

शरद पवार म्हणाले की, थोडा स्वभाव असतो एखाद्याचा. कोणत्याही राजकीय पक्षाचा नेता आपल्या पक्षाच्या हिताच्या दृष्टीने आग्रही भूमिका घेत असतात. पण थोडं अडजेस्ट करावं लागतं. लोकांसमोर सामूहिकपणे जात असताना तडजोड करायच्या असतात. मात्र, त्यांच्या स्वभावाला काय करणार? परंतु त्यामुळे आम्ही अस्वस्थ होत नाही.

त्यामुळे मविआमध्ये नेतृत्वावरून संघर्ष आहे का, असे विचारण्यात आले असता शरद पवारांनी अजिबात संघर्ष नसल्याचे सांगितले.