Thursday, July 18, 2024
Homeसाप्ताहिककोलाजकाव्यरंग : भेट तुझी माझी स्मरते

काव्यरंग : भेट तुझी माझी स्मरते

भेट तुझी माझी स्मरते
अजून त्या दिसाची ।
धुंद वादळाची होती
रात्र पावसाची ।।
कुठे दिवा नव्हता,
गगनी एक ही न तारा ।
आंधळ्या तमातून
वाहे आंधळाच वारा ।
तुला मुळी नव्हती
बाधा भीतीच्या विषाची ।।
क्षुद्र लौकिकाची
खोटी झुगारून नीती ।
नावगाव टाकूनी आली
अशी तुझी प्रीती ।
तुला परी जाणीव
नव्हती तुझ्या साहसाची ।।
केस चिंब ओले होते,
थेंब तुझ्या गाली ।
ओठांवर माझ्या त्यांची
किती फुले झाली ।
श्वासांनी लिहिली
गाथा प्रीतीच्या रसाची ।।
सुगंधीच हळव्या शपथा,
सुगंधीच श्वास ।
स्वप्नातच स्वप्न दिसावे
तसे सर्व भास ।
सुखालाही भोवळ
आली मधुर सुवासाची ।।

नभं उतरू आलं

नभं उतरू आलं,
चिंब थरथर वलं ।
अंग झिम्माड झालं,
हिरव्या बहरात ।।
अशा वलंस राती,
गळा शपथा येती ।
साता जल्मांची प्रीती,
सरंल दिनरात ।।
वल्या पान्यात पारा,
एक गगन धरा ।
तसा तुझा उबारा,
सोडून रीतभात ।।
नगं लागंट बोलू,
उभं आभाळ झेलू ।
गाठ बांधला शालू,
तुझ्याच पदरा ।।

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES

LEAVE A REPLY

Please enter your comment!
Please enter your name here

- Advertisment -

Most Popular

- Advertisment -