नवी दिल्ली: लोकसभा निवडणूक २०२४ च्या निकालानंतर सरकार स्थापन झाले आहे. यानंतर सातत्याने चर्चा केली जात होती की लोकसभेत विरोधी पक्षनेते म्हणून कोण असेल? अखेर या चर्चेला विराम मिळाला आहे. उत्तर प्रदेशातील रायबरेली मतदारसंघाचे खासदार आणि काँग्रेसचे दिग्गज नेते राहुल गांधी लोकसभेत विरोधी पक्ष नेते असतील.याची घोषणा काँग्रेस पक्षाकडून करण्यात आली आहे.
काँग्रेसचे महासचिव केसी वेणुगोपाल यांनी सांगितले की राहुल गांधी लोकसभेत विरोधी पक्ष नेते असतील.हा निर्णय काँग्रेसच्या बैठकीत घेण्यात आला. याबाबत काँग्रेस संसदीय पक्षाचे चेअरपर्सं सोनिया गांधी यांनी प्रोटेम स्पीकरला पत्र लिहिले आणि सांगितले की लोकसभेत राहुल गांधी विरोधी पक्ष नेते असतील.
चिठ्ठी लिहून दिली माहिती - केसी वेणुगोपाल
वेणुगोपाल म्हणाले, अस्थायी अध्यक्ष भर्तृहरि महताब यांना चिठ्ठी लिहित राहुल गांधी यांची लोकसभेत विरोधी पक्ष नेते म्हणून नियुक्त केल्याची माहिती दिले. ते पुढे म्हणाले, इतर पदाधिकाऱ्यांचा निर्णय नंतर घेतला जाईल.