मुंबई: प्रत्येक व्यक्तीला आपल्या आयुष्यात पुढे जायचे असते. या धावपळीच्या जीवनामध्ये आपल्या दिनचर्येचा आपल्या जीवनावर गहन परिणाम होतो. तुमच्या रूटीनमध्ये तुम्ही छोटे छोटे बदल करून तुम्ही जीवनात मोठा बदल घडवून आणू शकता. जाणून घ्या कोणती अशी कामे आहेत जी तुम्ही दररोज केली पाहिजे.
आभार व्यक्त करा
दर दिवशी काही मिनिटे जे काही तुम्हाला मिळाले आहे त्याबद्दल विचार करा आणि आभार माना. तुम्ही तुमच्या कुटुंबाचे, मित्रपरिवाराचे आभार माना. चांगले आरोग्य दिल्याबद्दल देवाचे आभार माना. यामुळे मूड नेहमी चांगला राहतो. तसेच तणाव कमी होतो.
एक्सरसाईज करा
नियमित व्यायामामुळे शारिरीक आणि मानसिक आरोग्य चांगले राहते. व्यायामामुळे हृदय, फुफ्फुसे आणि मांसपेशी मजबूत होतात. वजन कमी करण्यास मदत होते. मूड चांगला बनतो आणि तणाव कमी होतो. दररोज ३० मिनिटे एक्सरसाईज करा.
चांगले जेवण करा
आपण जे खात असतो त्याचा परिणाम आपल्या आरोग्यावर होत असतो. आपल्या डाएटमध्ये ताजी फळे, भाज्या, अख्खे धान्य तसेच अधिकाधिक प्रोटीनचा समावेश करा. प्रोसेस्ड फूड, साखर आणि फॅटी पदार्थ खाऊ नका.
पुरेशी झोप घ्या
जेव्हा तुम्ही झोपता तेव्हा तुमचे शरीर आणि मेंदू रिचार्ज होतो. प्रत्येकाला रात्रीच्या वेळेस कमीत कमी ७ ते ८ तासांची झोप घेणे गरजेचे असते. वेळेवर झोपण्याची तसेच वेळेवर उठण्याची सवय लावा.
मजेशीर अॅक्टिव्हिटी करा
दरदिवशी काहीतरी मजेशीर अॅक्टिव्हिटी करा. जसे की वाचणे, संगीत ऐकणे, फिरणे अथवा मित्र-कुटुंबासोबत वेळ घालवणे. असे केल्याने तुम्हाला आनंद भेटेल.