Government Job : ८वी उत्तीर्ण असणाऱ्यांनाही मिळणार सरकारी नोकरीची संधी!

  124

'या' कंपनीकडून मेगाभरती; 'असा' करा अर्ज


मुंबई : सध्या अनेक तरुण भरघोस पगारासह सरकारी नोकरीच्या (Government Job) शोधात असतात. मात्र इच्छुक असणाऱ्या प्रत्येकाला सरकारी नोकरी मिळणे शक्य नसते. त्यातच कमी शिक्षित असणाऱ्या युवकांना सरकारी नोकरी मिळणे कठीण असते. अशा युवकांसाठी एक आनंदाची बातमी मिळत आहे. माझगाव डॉक शिपबिल्डर्स लिमिटेडने (Mazagon Dock Shipbuilders Limited) विविध पदासांठी मेगाभरती सुरु केली आहे. यामध्ये ८वी ते १०वी पास असलेले उमेदवार देखील भरतीसाठी अर्ज करू शकणार आहेत. जाणून घ्या याबाबतची सविस्तर माहिती.



ऑनलाइन अर्ज करता येणार


माझगाव डॉक शिपबिल्डर्स लिमिटेडने रिक्त जागांसाठी भरती जारी केली आहे. या अंतर्गत पात्र उमेदवारांची ५०० हून अधिक शिकाऊ पदांवर नियुक्ती केली जाणार आहे. भरतीसाठी केवळ ऑनलाइन अर्ज करता येईल. जे उमेदवार अर्ज करु इच्छितात ते mazagondock.in या अधिकृत वेबसाइटला भेट देऊन फॉर्म भरू शकतात. माझगाव डॉक शिपबिल्डर्स लिमिटेडच्या या रिक्त पदांशी संबंधित महत्त्वाच्या तपशीलांची माहिती साईटवर मिळू शकते.



'या' तारखेआधीच करा अर्ज


या भरती मोहिमेद्वारे, माझगाव डॉक शिपबिल्डर्स लिमिटेडमध्ये एकूण ५१८ शिकाऊ पदांची भरती केली जाणार आहे. अर्ज करण्याची प्रक्रिया सुरु झाली असून अंतिम तारीख ही २ जुलै २०२४ असणार आहे.



पूर्व परीक्षेची तारीख


भरतीसाठी अर्ज केल्यानंतर पात्र उमेदवारांना लेखी परीक्षा द्यावी लागणार आहे. या परीक्षेची तारीख ही १० ऑगस्ट २०२४ निश्चित करण्यात आली आहे. परीक्षेसाठी प्रवेशपत्र २६ जुलै रोजी जारी केले जाणार आहे. या लेखी परिक्षेत उत्तीर्ण झालेल्या उमेदवारांना नंतर कागदपत्र पडताळणी आणि वैद्यकीय तपासणीसाठी जावे लागणार आहे.



अर्ज करण्यासाठी लागणारी फी


या भरती मोहिमेद्वारे गट अ ची २१८ पदे, गट ब ची २४० पदे आणि गट क ची ६० पदे आहेत. या पदांसाठी अर्ज करण्यासाठी, उमेदवारांना १०० रुपये फी भरावी लागणार आहे. तर राखीव श्रेणी, PH उमेदवारांना कोणत्याही प्रकारचे शुल्क भरावे लागणार नाही.



कोण अर्ज करू शकतो?


Mazagon Dock Shipbuilders Limited च्या या पदांसाठी अर्ज करण्यासाठी उमेदवाराने मान्यताप्राप्त मंडळातून ८वी किंवा १०वी उत्तीर्ण असणे आवश्यक आहे. जे उमेदवार किमान ५० टक्के गुणांसह मान्यताप्राप्त बोर्डातून १०वी उत्तीर्ण झाले आहेत ते गट अ पदांसाठी अर्ज करू शकतात. १ ऑक्टोबर २०२४ पूर्वी आयटीआय उत्तीर्ण झालेले गट बी पदासाठी अर्ज करू शकतात. त्याचप्रमाणे, गट क पदांसाठी मान्यताप्राप्त बोर्डातून ८ वी उत्तीर्ण झालेले उमेदवार अर्ज करण्यास पात्र आहेत.



मिळणारे वेतन


निवड झालेल्या उमेदवारांना प्रति महिना ५,५०० ते ८,५०० रुपये स्टायपेंड म्हणून दिले जातील. याविषयी इतर तपशील जाणून घेण्यासाठी, माझगाव डॉक शिपबिल्डर्स लिमिटेडच्या अधिकृत वेबसाइटला भेट देऊ शकता.

Comments
Add Comment

मुंबईत भाजपा घेणार वॉर्डनिहाय आढावा, मुंबई भाजपा अध्यक्ष आशिष शेलार यांची घोषणा...

मुंबई : आगामी मुंबई महानगरपालिका निवडणुका लक्षात घेता निवडणुकीत भाजपाला अपेक्षत यश मिळवण्याच्या दृष्टीने

पाणी चिंता मिटली ! मुंबईकरांच्या धरणात किती टक्के पाणीसाठा?

मुंबई :  मे आणि जून महिन्यात जास्त पाऊस पडल्यामुळे मुंबईला पाणीपुरवठा करणाऱ्या सात धरणांमधील पाणीसाठ्यात

वरळी येथे अस्थी विसर्जनासाठी गेलेले तीन जण समुद्रात बुडाले, दोघांचा मृत्यू

मुंबई : वरळीतील हाजी अली जवळच्या लोटस जेट्टीवर शनिवारी अस्थी विसर्जनासाठी गेलेले तीन व्यक्ती समुद्रात बुडाले.

Police Officers Transfer: महाराष्ट्रात ५१ IPS अधिकाऱ्यांच्या बदल्या, कोणत्या पोलिस अधिकाऱ्यांना मिळाली महत्वाची जबाबदारी...

मुंबई : महाराष्ट्र सरकारच्या गृह विभागाने (Home Department) ५१ भारतीय सेवा अधिकारी (IPS) आणि ८१ राज्य पोलिस सेवा

अभिनेत्री निशा रावलने सांगितला पती करण मेहराकडून झालेला संतापजनक छळ

मुंबई : अभिनेत्री निशा रावलने तिचा पूर्वाश्रमीचा पती आणि 'ये रिश्ता क्या कहलाता है' फेम अभिनेता करण मेहरा

मुंबईकरांसाठी आनंदाची बातमी ! कल्याण-भिंवडी मेट्रो ५ चा विस्तार लवकरच, मुख्यमंत्री देवेंद्र फडणवीस यांची घोषणा...

मुंबई : मुंबईत गेल्या काही दिवसांपासून लोकल ट्रेनची गर्दी कमी करण्यासाठी राज्य सरकारने नवीन पाऊले उचलली आहेत.