Hajj Palgrims : हज यात्रेकरुंवर सूर्याचा कोप! ५५०हून अधिक भाविकांचा उष्माघाताने मृत्यू

  132

२,००० यात्रेकरू रुग्णालयात दाखल


रियाध : सौदी अरेबियातील (Saudi Arabia) हज यात्रेसाठी (Hajj Palgrims 2024) मोठ्या प्रमाणावर मुस्लिम बांधवांनी गर्दी केलीय. इस्लाम धर्मामध्ये हज यात्रेला अनन्यसाधारण महत्त्व आहे. प्रत्येक मुस्लीम व्यक्तीने आयुष्यात एकदा तरी हजला जायला हवे असे म्हटले जाते. त्यामुळे जगभरातील लाखो मुस्लीम हज यात्रेसाठी मक्केला जातात. मात्र यावेळी हज यात्रेकरुंना भीषण गर्मीचा त्रास सहन करावा लागला आहे. हज यात्रेवेळी अनेकांचा उष्मघाताने बळी घेतला आहे. यामुळे सौदी अरेबियाने हज यात्रेची केलेली तयारी वादात अडकण्याची शक्यता वर्तवली जात आहे.


मिळालेल्या माहितीनुसार, सौदी अरबसह मध्य पूर्व आशियात उष्णतेची लाट पसरली आहे. दरम्यान, हज यात्रेवरही (मक्का, सौदी अरब) उष्णतेच्या लाटेचा गंभीर परिणाम झाला आहे. तब्बल ५५० हज यात्रेकरुंचा उष्मघाताने मृत्यू झाला आहे. मृतांमधील ३२३ भाविक हे इजिप्तचे नागरिक आहेत. सौदी अरबमधील एका वरिष्ठ अधिकाऱ्याने सांगितल्यानुसार, या भाविकांचा उष्माघाताने मृत्यू झाला आहे, तर एका व्यक्तीचा गर्दीमुळे मृत्यू झाला आहे.



तापमानात वाढ


सौदीमधील हवामान विभागाने दिलेल्या माहितीनुसार, हवामान बदलामुळे तिथल्या वातावरणावर गंभीर परिणाम होत आहे. तसेच हज यात्रेवरही त्याचे परिणाम दिसू लागले आहेत. तिथले सरासरी तापमान ०.४ अंशांनी वाढ होत आहे. तर मक्का येथील ग्रँड मशिदीच्या परिसरात ५१.८ अंश सेल्सिअस तापमानाची नोंद झाली, असे सौदी राष्ट्रीय हवामान विज्ञान केंद्राने म्हटले.


दरम्यान, हज व्यवस्थापन समितीने भाविकांना छत्रीचा वापर करण्याच्या सूचना दिल्या आहेत. तसेच जास्तीत जास्त पाणी प्या, दुपारच्या वेळी बाहेर पडू नका, अशा सूचना देखील दिल्या आहेत. परंतु माऊंट अराफात येथे प्रार्थना आणि अनेक हज विधींसाठी यात्रेकरुंना दुपारच्या उन्हात थांबावे लागले होते. अनेक भाविक तासनतास तिथे उभे असल्यामुळे अनेकांची प्रकृती खालावली होती. यामुळे ५५० जणांचा मृत्यू झाला असून २००० जणांना रुग्णालयात दाखल केले आहे. त्याचबरोबर मृतांचा आकडा आणखी वाढण्याची शक्यताही वर्तवण्यात येत आहे.

Comments
Add Comment

लंडनमध्ये भारतीय रेस्टॉरंटला आग; पाच जण जखमी

लंडन: लंडनमध्ये एका भारतीय रेस्टॉरंटमध्ये आग लावल्याची धक्कादायक घटना समोर

स्वातंत्र्यदिनी युक्रेनचा रशियाच्या अण्वस्त्र प्रकल्पावर ड्रोन हल्ला; मोठा स्फोट होऊन आग

मॉस्को: युक्रेनने रशियाच्या ऊर्जा प्रकल्पांवर पुन्हा एकदा मोठा ड्रोन हल्ला केला आहे. युक्रेनच्या स्वातंत्र्य

न्यूयॉर्कमध्ये भारतीयांना घेऊन जात असलेल्या बसला अपघात, पाच ठार

न्यूयॉर्क : अमेरिकेतून एक दुःखद बातमी आली आहे. न्यूयॉर्क राज्य महामार्गावर एका बसचा अपघात झाला. नायगरा

अमेरिकेत ५.५ कोटी व्हिसाधारकांवर धोक्याची टांगती तलवार, नियमांचे उल्लंघन केल्यास रद्द होणार व्हिसा

वॉशिंग्टन: अमेरिकेत स्थायिक झालेले किंवा तिथे व्हिसावर वास्तव्यास असलेल्या ५.५ कोटी परदेशी नागरिकांच्या

दक्षिण अमेरिकेत ८ रिश्टर क्षमतेचा भूकंप

वॉशिंग्टन डीसी : भारतीय वेळेनुसार शुक्रवारी सकाळी सात वाजून ४६ मिनिटांनी दक्षिण अमेरिकेत ८.० रिश्टर क्षमतेच्या

'श्री गणेश करूया...' म्हणत रशियन राजदूताने सुरू केली अमेिरकेवर टीका

भारत संबंधांवर परिणाम होणार नसल्याची रशियाकडून हमी मॉस्को : रशियाकडून भारताला मिळणाऱ्या कच्च्या तेलाची आयात