५ बांगलादेशी नागरिकांपैकी १ परदेशात काम करत असल्याची माहिती
मुंबई : बनावट पारपत्र बनवल्याप्रकरणी मुंबई दहशतवाद विरोधी पथकाने मुंबईतून ४ बांगलादेशी नागरिकांना अटक केली आहे तर ५ जणांचा शोध सुरू आहे. त्यांच्याकडे भारतीय नागरिकत्व असलेली बनावट कागदपत्रं मिळाली आहेत. अटक केलेल्या बांगलादेशी नागरिकाकडून तपासादरम्यान मिळालेल्या माहितीवरून पथकाने ही कारवाई केली.
या सर्वांनी गुजरातमधल्या सुरत इथले रहिवासी असल्याची बनावट कागदपत्रं देत सुरतमधून पारपत्र मिळवले आहे. तसेच शोध सुरू असलेल्या ५ बांगलादेशी नागरिकांपैकी १ भारतीय पारपत्रावर परदेशात काम करत असल्याची माहिती देखील पोलिसांना मिळाली आहे. विशेष म्हणजे यापैकी काही नागरिकांनी नुकत्याच झालेल्या लोकसभा निवडणुकीत भारतीय नागरिक म्हणून मतदानही केले आहे.
