डोंबिवली : राज्यभरात गुन्हेगारीच्या (Crime) घटनांमध्ये प्रचंड वाढ झाली असून आता डोंबिवलीमधूनही अत्यंत धक्कादायक घटना (Dombivali Crime) समोर आली आहे. एका अल्पवयीन मुलीला तिच्या वडिलांच्या मित्रानेच ढाब्यावर नेऊन जबरदस्ती बिअर पाजली आणि तिला निर्जन स्थळी नेऊन तिच्यावर लैंगिक अत्याचार केले. या कृत्यात त्याच्या आणखी एका नराधम मित्राने त्याला साथ दिली जो सध्या फरार आहे. डोंबिवली पूर्वमधील या घटनेने सर्वत्र खळबळ उडाली आहे. या प्रकरणी मुलीच्या आईने पोलिसांत तक्रार दाखल केली असून दोन्ही आरोपींवर गुन्हा दाखल करण्यात आला आहे. आशिष पांडे व त्याचा साथीदार अभिषेक डेरे अशी आरोपींची नावे आहेत.
मिळालेल्या माहितीनुसार, अल्पवयीन १४ वर्षांची पिडीत मुलगी व आशिष पांडे हे कल्याण पूर्व परिसरात राहतात. त्यात आशिष पांडे हा वडिलांचा मित्र असल्याने सदर मुलगी त्याला ओळखत होती. गुरुवारी शाळेला सुट्टी असल्याने ही मुलगी तिच्या मैत्रिणीच्या घरी गेली होती. याच संधीचा फायदा घेत आशिषने तिला तिच्या वडिलांनी घरी बोलावले असल्याचे सांगून मैत्रिणीच्या घराबाहेर बोलावले व तिला आपल्या दुचाकीवरुन घेऊन निघाला. रस्त्यात त्याने साथीदार अभिषेक डेरेलाही आपल्या सोबत घेतले.
आशिष या दोघांना नांदिवली भागातील एका ढाब्यावर घेऊन गेला. तेथे आशिषने जबरदस्तीने पीडित मुलीला बिअर पाजली. बिअर प्यायली नाही तर तुझ्या कुटुंबियांना ठार मारण्याची धमकी मुलीला दिली. बिअर पाजल्यामुळे पुढे काय झाले हे मुलीला समजले नाही. आशिषने नंतर तिला एका निर्जन स्थळी असलेल्या इमारतीत नेत तिच्यावर लैगिंक अत्याचार केला.
दुपारी घराबाहेर गेलेली मुलगी संध्याकाळ झाली तरी घरी आली नाही म्हणून पालकांनी तिचा शोध सुरू केला. तिच्या मैत्रिणीला विचारणा करण्यात आली. त्यावेळी तिने ती आशिषसोबत गेली असल्याचे सांगितले. त्यानंतर रात्रीच्या वेळेत पीडित ती राहत असलेल्या घराच्या परिसरात गुंगीत असल्याचे कुटुंबीयांना दिसले.
दुसऱ्या दिवशी तिला विश्वासात घेऊन पालकांनी तिला घडल्या प्रकाराविषयी विचारले. त्यावेळी आशिष पांडेने आपले अपहरण करून आपणास जबरदस्तीने बिअर पाजून लैंगिक अत्याचार केला आहे, असे तिने कुटुंबीयांना सांगितले. या प्रकाराने हादरलेल्या पालकांनी तातडीने कोळसेवाडी पोलीस ठाण्यात जाऊन आशीष पांडे, अभिषेक डेरे यांच्याविरुद्ध तक्रार दाखल केली. दाखल तक्रारीनुसार पोलिसांनी पोक्सो अंतर्गत गुन्हा दाखल करत तपास सुरु केला. आशिष याला तात्काळ अटक करण्यात आली आहे. तर डेरे हा अद्याप फरार आहे.
९ विद्यार्थी जखमी रायगड : आज सकाळी कोल्हापूरमध्ये (Kolhapur Accident) हातकणंगले येथे सोलापूरहून कणकवलीला जाणाऱ्या…
नेमकं काय घडलं होतं तेव्हा? पुणे : पुण्यातील ससून हॉस्पिटलमधून (Sassoon Hospital) ड्रग्जमाफिया ललित पाटील…
दिवसभरातील (Prahaar Bulletin) महत्वाच्या बातम्या… संजय राऊतांना बाळासाहेब ठाकरेंना पण भोंदूबाबा म्हणायचंय का? आमदार नितेश…
'माझ्या एरियात राहायचे नाही,असे म्हणत माचिसची पेटलेली काडी अंगावर फेकली अन्... संपूर्ण थरार सीसीटीव्हीत कैद…
आमदार नितेश राणे यांचा परखड सवाल मुंबई : 'आज सकाळी मोदीजींना भोंदूबाबा म्हणण्याची हिंमत या…
मुंबई विमानतळावर १ हजाराहून अधिक पदांची मेगाभरती; 'असा' करा अर्ज मुंबई : अनेक तरुणांचे हवाई…