Wednesday, July 24, 2024
Homeताज्या घडामोडीLoksabha election 2024: राज ठाकरेंची सभा आणि उमेदवार विजयी

Loksabha election 2024: राज ठाकरेंची सभा आणि उमेदवार विजयी

मुंबई: लोकसभा निवडणुकीच्या निकालाचे(loksabha election 2024) अपडेट हाती आले आहे. दरम्यान, यंदाच्या निवडणुकीत भाजपला मात्र मोठा धक्का बसला आहे. त्यांना स्पष्ट बहुमत दिसत नाही आहे. दरम्यान, महाराष्ट्रातही धक्कादायक चित्र पाहायला मिळत आहे. महाविकास आघाडीने महायुतीला मागे टाकत आघाडी घेतली आहे.

महाराष्ट्रातील यंदाची निवडणूक रंगतदार ठरली होती. दोन्ही पक्षांमधील फुटीमुळे खरतर ही निवडणूक महत्त्वाची होती. त्यातच लोकसभेच्या प्रचारासाठी महायुतीसाठी राज ठाकरेंनी प्रचार केला होता. राज ठाकरेंचा हात खरंतर परिस स्पर्श ठरला आहे.

राज ठाकरेंनी महायुतीच्या ज्या उमेदवारांसाठी प्रचार सभा घेतल्या त्या सर्वच उमेदवारांनी या निवडणुकीत विजय मिळवला आहे. राज ठाकरे यांनी पुणे लोकसभा मतदारसंघाचे उमेदवार मुरलीधर मोहोळ यांच्या प्रचारार्थ सभा घेतली होती. ते मुरलीधर मोहोळ त्यांच्या मतदारसंघातून विजयी झाले आहेत.

दुसरीकडे राज ठाकरेंनी कल्याण-डोंबिवली मतदारसंघाचे उमेदवार डॉ. श्रीकांत शिंदे यांच्यासाठी प्रचारसभा घेतली होती. त्यानंतर डॉ. श्रीकांत शिंदे यांनीही आपल्या मतदारसंघातून हॅटट्रिक मारली आहे. ते तिसऱ्यांदा या मतदारसंघातून निवडून आले आहेत.

तसेच राज ठाकरेंनी भाजपचे उमेदवार नारायण राणेंच्या प्रचारासाठीही कणकवलीत सभा घेतली होती. या मतदारसंघातही नारायण राणे यांनी विजय मिळवला आहे. नारायण राणे यांनी रत्नागिरी-सिंधुदुर्ग मतदारसंघातून विजय मिळवला आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -