परीताई : कविता आणि काव्यकोडी

एकदा ना स्वप्नात
आली परीताई
आकाशात फिरण्याची
केवढी तिला घाई


मी म्हटलं परीताई
चल माझ्या घरी
करेन मी तुझ्यासाठी
आमरस-पुरी


परीताई तुझे पंख
फुलपाखरासारखे छान
सारखी उडत असतेस
आज इथेच थांब


परीताई तुझी जादू
दाखवशील का मला
चा‌कलेटचा डब्बा
देईन मी तुला


परीताई एक गोष्ट
सांगू का तुला
जादूची छडी तुझी
दे ना आज मला


छसडीचा साऱ्यांना
दाखवेन मी धाक
खोडी काढेल त्याचे
नकटे करीन नाक


असं मी म्हणताच
परीताई हसली
झोप गेली उडून
आई समोर दिसली



काव्यकोडी - एकनाथ आव्हाड


१) दाणे टिपायची
तिला सदा घाई
पाहून बाळ तिला
हरखून जाई


येताच चिव चिव
गाणे ती गाते
दाणे टिपून
कोण उडून जाते?


२) सरकारी कागद
कधी येतो घेऊन
आनंदाची बातमी
कधी जातो देऊन


पत्राच्या दुनियेत
फिरत हा असतो
खाकी पोशाखात
दारी कोण दिसतो?


३) पन्हे, आईस्क्रीम
थंडगार पाणी
सुतीचे कपडेच
फिरे घालुनी


दुपारचे तापमान
फारच चढते
कोणत्या ऋतूत
हे सारे घडते?



उत्तर -


१)चिमणी
२) पोस्टमन
३) उन्हाळा


Comments
Add Comment

मनाची श्रीमंती!

कथा : रमेश तांबे दिवाळी नुकतीच संपली होती. दिवाळीचे चार-पाच दिवस कसे संपले हे नमिताला कळलेच नव्हते. दिवाळी येणार

पारदर्शक पदार्थ

कथा : प्रा. देवबा पाटील सीता व निता या दोघी बहिणींना जशी अभ्यासाची गोडी होती तशीच वाचनाचीसुद्धा आवड होती. त्या सतत

बदलांचा स्वीकार!

खरे तर बदलांचा स्वीकार करणे याला खूप चांगला इंग्रजी शब्द आहे ऍडॉप्शन! आपण कितीही मनात आणले तरी आपल्याला हवे तसे

कचरा कचराकुंडीतच टाकावा !

लहानशा गोष्टी, मोठा अर्थ : शिल्पा अष्टमकर ‘स्वच्छ मुंबई ,सुंदर मुंबई ‘ असे फलक मुंबईत ठिकठिकाणी आपण पाहतो. अनेक

सूर्यप्रकाशाचे रंग

कथा : प्रा. देवबा पाटील सीता आणि नीता या सख्ख्या बहिणीच असल्याने दोघींचे आपसातही छान मेतकूट जमायचे. दोघीही नेहमी

खरी पूजा

कथा : रमेश तांबे अजितच्या घराजवळच गणपतीचं एक मंदिर होतं. त्याची आजी दररोज सकाळी पूजेसाठी मंदिरात जायची. जवळजवळ