Saturday, July 13, 2024
Homeताज्या घडामोडीSDRF Boat : उजनी घटना ताजी असतानाच प्रवरा नदीत SDRF पथकाची बोट...

SDRF Boat : उजनी घटना ताजी असतानाच प्रवरा नदीत SDRF पथकाची बोट उलटली!

तीन जवानांचा मृत्यू तर एकाचा शोध सुरु

अकोले : उजनी (Ujani) जलाशयात बोट उलटून सहा जण बेपत्ता झाल्याची घटना ज्वलंत असतानाच अकोले (Akole) तालुक्यातील सुगाव गावाजवळ बोट उलटल्याची दुर्दैवी घटना घडल्याचे उघडकीस आली आहे. प्रवरा नदीत (Pravara River) बुडालेल्या व्यक्तीचा शोध घेणारी एसडीआरएफची बोट (SDRF Boat) उलटली असून पथकातील चार जणांसह एक स्थानिक बुडाल्याने परिसरात एकच खळबळ उडाली आहे.

एसडीआरएफ पथकातील तिघांचा मृत्यू

यात एसडीआरएफ पथकातील तिघांचा मृत्यू झाला असून तर दोघांचा शोध सुरू आहे. माजी महसूलमंत्री बाळासाहेब थोरात घटनास्थळी दाखल झाले आहेत. तर इतर दोघांचा शोध घेण्यासाठी प्रशासनाचे अथक प्रयत्न सुरु असल्याचे प्रांताधिकारी शैलेश कुमार हिंगे यांनी सांगितले.

नेमकं काय घडलं?

काल प्रवरा नदीत दोन तरुण बुडाल्याची घटना घडली होती. त्यापैकी एका तरुणाचा मृतदेह सापडला असून दुसऱ्या तरुणाचा शोध सुरू होता. अकोले तालुक्यातील सुगाव गावाजवळ ही शोधमोहिम सुरू होती. शोध घेण्यासाठी बोटीत पथकातील चार जणांसह एक स्थानिक तरुण बसला होता. एसडीआरएफच्या पथकाकडून सकाळी सहा वाजेपासून शोधकार्य सुरु करण्यात आले. याचदरम्यान, पाण्याच्या प्रवाहामुळे पथकाची बोट उलटून दुर्दैवी घटना घडली. या दुर्घटनेत पाच जण बुडाले असून तिघांचा मृत्यू झाला आहे. एकाला उपचारासाठी रुग्णालयात दाखल करण्यात आले असून दुसऱ्याचा शोध घेतला जात असल्याची माहिती मिळत आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -