Thursday, July 25, 2024
Homeमहत्वाची बातमीNashik scam : नाशिकच्या ८०० कोटींच्या घोटाळ्यात संजय राऊत आणि सुधाकर बडगुजरांचा...

Nashik scam : नाशिकच्या ८०० कोटींच्या घोटाळ्यात संजय राऊत आणि सुधाकर बडगुजरांचा हात!

संजय राऊतांच्या आरोपांवर शिवसेना व भाजपा नेत्यांचा पलटवार

नेमकं प्रकरण काय?

मुंबई : विद्यमान मुख्यमंत्री व तत्कालीन नगर विकास मंत्री एकनाथ शिंदे (Eknath Shinde) यांच्या आदेशाने नाशिक महापालिकेमार्फत खासगी वाटाघाटीद्वारे भूसंपादनाचे अर्थात जमिनी ताब्यात घेऊन विकत घेण्याचे अनेक प्रस्ताव मंजूर करण्यात आले. यात नाशिक शहरातील ठराविक बिल्डरांचे आर्थिक हित डोळ्यांसमोर ठेवून त्यांनाच सातशे कोटी रुपये जमिनींचा मोबदला म्हणून वाटप करून मोठा घोटाळा करण्यात आला, असा आरोप ठाकरे गटाचे खासदार संजय राऊतांनी (Sanjay Raut) केला आहे. त्यासंबंधीचे पत्रही त्यांनी पंतप्रधान नरेंद्र मोदी (PM Narendra Modi) आणि उपमुख्यमंत्री व गृहमंत्री देवेंद्र फडणवीस (Devendra Fadnavis) यांना पाठवले आहे. यावर आता मुख्यमंत्र्यांच्या शिवसेनेकडून चोख उत्तर देण्यात आलं आहे.

नाशिकचे पालकमंत्री दादा भुसे (Dada Bhuse) यांनी आज पत्रकार परिषद घेतली. यावेळी नाशिकमध्ये ८०० कोटींचा घोटाळा केल्याच्या संजय राऊतांच्या आरोपावर शिवसेनेकडून (Shiv Sena) खुलासा करण्यात आला. ठाकरे गटाचे नगरसेवक सुधाकर बडगुजर (Sudhakar Badgujar) व खासदार संजय राऊत यांनी संगनमताने नाशिक महानगरपालिकेमध्ये घोटाळा केल्याचा आरोप शिवसेना शिंदे गटाचे नाशिक जिल्हाप्रमुख अजय बोरस्ते (Ajay Boraste) यांनी केला.

तर पालिका प्रशासनाने भूसंपादन करणाऱ्या जमिनीचा प्रस्ताव राज्य सरकारकडे पाठवला होता. तेव्हा उद्धव ठाकरे मुख्यमंत्री होते. प्रस्ताव तयार करणे व मंजूर करण्यासाठी समिती होती. सर्व निर्णय समितीनुसार झाले आहेत. आम्ही भ्रष्ट्राचार केला तर मग तेव्हा आमची चौकशी का केली नाही? संजय राऊत यांचे आरोप बिनबुडाचे आहेत, असे भाजप नेते गणेश गीते (Ganesh Gite) यांनी म्हटले आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -