मुंबई: मुंबईत सोमवारी अवकाळी पाऊस अचानक अवतरला आणि त्याने रौद्र रूप दाखवले. या पावसाने अनेक बळीही घेतले. घाटकोपर परिसरात पेट्रोल पंपावर होर्डिंग पडल्याने अद्याप बचावकार्य सुरू आहे. या दुर्घटनेतील मृतांचा आकडा १४ वर पोहोचला आहे. तर या दुर्घटनेत ४३ जण जखमी झाले आहे. यातील एकाची स्थिती गंभीर आहे.
जखमींवर रुग्णालयात उपचार सुरू आहेत. बीएमसीकडून जारी करण्यात आलेल्या विधानानुसार ३१ जखमींना प्राथमिक उपचारानंतर सुट्टी देण्यात आली आहे. या दुर्घटनेत ८८ जण प्रभावित झाले. त्यातील ७४ जणांना वाचवण्यात यश मिळाले, जखमींवर नजीकच्या रुग्णालयात उपचार सुरू आहेत.
#WATCH | Mumbai: The death toll in the Ghatkopar hoarding collapse incident has risen to 14. There were a total of 88 victims, out of which 74 were rescued injured: NDRF
(Morning visuals of the rescue operations from the spot) pic.twitter.com/vggAIlfY3g
— ANI (@ANI) May 14, 2024
घाटकोपर परिसरात धूळीचे वादळ आणि पावसामुळे पेट्रोल पंपावर १०० फूट लांब अवैध होर्डिंग पडले. वडाला परिसरातही वेगवान वाऱ्यादरम्यान काम सुरू असलेले मेटल पार्किंग टावर रस्त्यावर कोसळले. बीएमसीच्या अधिकाऱ्यांनुसार घाटकोपर परिसरात पडलेले हे होर्डिंग अवैध होते. पोलीस अधिकाऱ्यांनी दिलेल्या माहितीनुसार होर्डिंगखाली दबलेल्या आतापर्यंत ७८ लोकांना सुरक्षित बाहेर काढण्यात आले. यातील ७० जखमी आहेत.
राष्ट्रपती द्रौपदी मुर्मू यांनी या दु:खद घटनेप्रकरणी शोक व्यक्त केला. त्या म्हणाले,या दुर्घटनेत मृत पावलेल्या व्यक्तींच्या कुटुंबियाप्रती माझ्या संवेदना कायम आहे. जखमीही लवकरात लवकर बरे व्हावेत अशी प्रार्थना मी करते.