भीषण अपघातात १९ जणांचा मृत्यू तर ३० जण जखमी
बेईजिंग : चीन (China) देशाला आधीपासूनच अनेक दुर्घटनांना, नैसर्गिक आपत्तींना (Natural calamity) तोंड द्यावे लागले आहे. तिथल्या नैसर्गिक परिस्थितीमुळे अनेकदा त्सुनामी, पूर, तर कधी भूकंप अशा आपत्ती त्या ठिकाणी येत असतात. त्यातच आज पुन्हा एक दुर्घटना घडली आहे. चीन ग्वांगडोंग प्रांतात भूस्खलनामुळे (Landslide) महामार्गाचा एक भाग कोसळला. या भीषण अपघातात १९ जणांचा मृत्यू झाला असून ३० जणांना रुग्णालयात दाखल करण्यात आले आहे.
मिळालेल्या प्राथमिक माहितीनुसार, अपघातामुळे एकूण १८ वाहने घसरली, ज्यामध्ये एकूण ४९ लोक होते. यातील १९ लोकांचा मृत्यू झाला आणि ३० जणांना रुग्णालयात दाखल करण्यात आले.
🚨#WATCH: As daytime footage shows the aftermath of a highway collapse which left dozens of casualties in southern China.
📌#Guangdong | #China
At least 19 people were killed and 30 others were hospitalized after a section of a highway collapsed in the Guangdong province of… pic.twitter.com/r1hR0UXw65
— R A W S G L 🌎 B A L (@RawsGlobal) May 1, 2024
ग्वांगडोंगमधील मीडा एक्सप्रेसवेवर डाबू ते फुजियानच्या दिशेने, चायांग विभागाच्या बाहेर पडण्यापासून सुमारे २ किलोमीटर अंतरावर हा महामार्गाचा भाग कोसळला. कोसळलेला रस्ता सुमारे १७.९ मीटर लांब आहे आणि सुमारे १८४.३ चौरस मीटर क्षेत्र व्यापतो.
