कल्याणमधूनही श्रीकांत शिंदे यांचे नाव जाहीर
ठाणे : लोकसभा निवडणुकीसाठी (Loksabha Election) गेल्या अनेक दिवसांपासून महायुतीमध्ये ठाण्याच्या जागेवरुन (Thane Loksabha) मतभेद होत होते. मुख्यमंत्री एकनाथ शिंदे (CM Eknath Shinde) यांच्या नेतृत्वाखालील शिवसेना व भाजपा हे दोन्ही पक्ष या जागेवर आपापला दावा सांगत होते. अखेर भाजपाने सामंजस्याची भूमिका घेत ही जागा शिवसेनेला दिली आहे. या ठिकाणी शिवसेनेचा हुकुमी एक्का नरेश म्हस्के (Naresh Mhaske) यांना उमेदवारी जाहीर करण्यात आली आहे. तर कल्याण लोकसभेची (Kalyan Loksabha) जागा देखील शिवसेनेला देण्यात आली असून या ठिकाणी मुख्यमंत्री शिंदेंचे पुत्र श्रीकांत शिंदे (Shrikant Shinde) यांना उमेदवारी जाहीर करण्यात आली आहे.
लोकसभा निवडणूक – २०२४ साठी कल्याण लोकसभा मतदारसंघातून श्री. श्रीकांत एकनाथ शिंदे आणि ठाणे लोकसभा मतदारसंघातून श्री. नरेश गणपत म्हस्के यांचे शिवसेनेचे अधिकृत उमेदवार म्हणून नाव घोषित करण्यात आले आहे. त्यांना लोकसभा निवडणुकीसाठी हार्दिक शुभेच्छा !#Shivsena #LokasabhaElection2024 pic.twitter.com/XYJjTUy0r8
— Shivsena – शिवसेना (@Shivsenaofc) May 1, 2024
उपमुख्यमंत्री देवेंद्र फडणवीस यांनी एका जाहीर सभेत कल्याणमधून श्रीकांत शिंदे यांना उमेदवारी देणार असल्याचे संकेत दिले होते. यावर शिक्कामोर्तब झाले आहे. मात्र, ठाण्याचा प्रश्न अद्याप सुटला नव्हता. आता तोही सुटला असून नरेश म्हस्के लोकसभेच्या रिंगणात उतरले आहेत. महाराष्ट्र दिनाचा मुहूर्त साधून शिवसेनेने आपल्या दोन्ही उमेदवारांची नावे जाहीर केली आहेत.