Wednesday, July 17, 2024
Homeताज्या घडामोडीछत्तीसगड-महाराष्ट्र सीमेवर ७ नक्षलवादी ठार; २ महिला, एके-४७ सह शस्त्रे, स्फोटके जप्त

छत्तीसगड-महाराष्ट्र सीमेवर ७ नक्षलवादी ठार; २ महिला, एके-४७ सह शस्त्रे, स्फोटके जप्त

रायपूर : छत्तीसगड-महाराष्ट्र सीमेवरील नारायणपूरच्या अबुझमद भागात मंगळवारी सकाळी डीआरजी आणि एसटीएफच्या जवानांसोबत झालेल्या चकमकीत ७ नक्षलवादी ठार झाले. यामध्ये २ महिला नक्षलवादी आहेत. या सर्वांचे मृतदेह बाहेर काढण्यात आले आहेत.

घटनास्थळावरून एके-४७ सह मोठ्या प्रमाणात शस्त्रे आणि स्फोटके जप्त करण्यात आली आहेत. चकमकीनंतर शोध सुरू असल्याचे सांगण्यात येत आहे.

अबुझमदच्या तकामेटा भागात मोठ्या प्रमाणात नक्षलवादी उपस्थित असल्याची माहिती पोलिसांना मिळाली होती. या माहितीच्या आधारे सोमवारी रात्री उशिरा सैनिक शोधासाठी निघाले. मंगळवारी सकाळी सैनिक जेव्हा या भागात पोहोचले तेव्हा त्यांना पाहताच नक्षलवाद्यांनी गोळीबार सुरू केला. प्रत्युत्तरादाखल नक्षलवादी ठार झाले.

पोलिस ठार झालेल्या नक्षलवाद्यांची ओळख पटवण्याचा प्रयत्न करत आहेत. सूत्रांनी दिलेल्या माहितीनुसार, येथे माओवाद्यांचे मोठे कार्यकर्ते उपस्थित होते.

यापूर्वी १६ एप्रिल रोजी कांकेर जिल्ह्यात पोलीस आणि नक्षलवाद्यांमध्ये सुमारे साडेपाच तास चकमक झाली होती. डीआरजी आणि बीएसएफच्या जवानांनी माओवाद्यांच्या अड्ड्यात घुसून त्यांच्या २९ नक्षलवाद्यांना ठार केले. चकमकीच्या वेळी नक्षलवादी जेवण करून निश्चिंत बसले होते.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -