१५ ते २० जण जखमी तर एकाची प्रकृती गंभीर
नाशिक : नाशिक-पुणे महामार्गावर खासगी ट्रॅव्हल बसचा भीषण अपघात झाल्याची घटना समोर आली आहे. खासगी ट्रॅव्हल बस पुण्याहून नाशिकच्या दिशेने येत असताना पहाटे ६ च्या दरम्यान हा अपघात झाला. अपघातात १५ ते २० प्रवासी जखमी तर एक प्रवासी गंभीर असल्याची प्राथमिक माहिती मिळाली आहे.
सिन्नर-पुणे महामार्गावरील गोंदे फाटा येथे चालकाचे नियंत्रण सुटल्याने भरधाव वेगाने येणाऱ्या खासगी ट्रॅव्हल बसचा अपघात झाला. ती बस उड्डाणपुलावरून खाली कोसळली आहे. ट्रॅव्हल बस पुण्याहून नाशिकच्या दिशेने येत असताना समृद्धी महामार्गावरील ‘इंटरचेंज’ पॉइंटजवळ हा अपघात झाला. अपघातात १५ ते २० जण जखमी झाल्याचे वावी पोलिसांनी सांगितले. त्यापैकी चार-पाच प्रवाशी गंभीर जखमी आहेत. तर एकाची प्रकृती चिंताजनक आहे
वावी पोलिस व महामार्ग पोलिसांचे पथक घटनास्थळी पोहोचले असून, पंचनामा सुरू आहे. तर जखमींना सिन्नर उपजिल्हा रुग्णालयात उपचार्थ दाखल करण्यात आले आहे.
