सांगली : महाविकास आघाडीत सांगलीच्या जागेवर आग्रही असणारे काँग्रेसचे नेते विशाल पाटील (Vishal Patil) यांचे बंधू प्रतिक पाटील यांनी वंचित बहुजन आघाडीचे अध्यक्ष प्रकाश आंबेडकर (Prakash Ambedkar) यांची भेट घेतली. त्यामुळे सांगलीत वंचितकडून विशाल पाटील यांना उमेदवारी देणार असल्याच्या चर्चांना उधाण आले आहे.
महाविकास आघाडीत सांगलीच्या जागेवरून बराच वाद झाला होता. शेवटच्या क्षणापर्यंत रस्सीखेच सुरू होती. ठाकरे गटाने चंद्रहार पाटलांना सांगलीतून उमेदवारी घोषित केली. त्यावर काँग्रेसने तीव्र नाराजी व्यक्त केली. असं सर्व सुरू असताना, ही जागा ठाकरेंना देण्यात आली. परंतु आता ठाकरेंच्या उमेदवाराचा गेम होणार की काय? असा प्रश्न उपस्थित केला जात आहे.
सांगलीच्या जागेवर आग्रही असणारे काँग्रेसचे विशाल पाटील यांचे बंधू प्रतिक पाटील यांनी वंचित बहुजन आघाडीचे अध्यक्ष प्रकाश आंबेडकर यांची भेट घेतली आहे. त्यामुळे सांगलीतून वंचित विशाल पाटील यांना उमेदवारी देणार असल्याच्या चर्चांना उधाण आलं आहे.
प्रकाश आंबेडकर आता काय निर्णय घेतात? याकडे सुद्धा लक्ष असेल. काँग्रेसने आधीच ठरवलं पाहिजे की महाराष्ट्रात त्यांना आपला अस्तित्व ठेवायचे की नाही? अशी विचारणा आंबेडकर यांनी केली आहे.
दरम्यान सांगलीमध्ये उबाठा गटात ताकद नसल्याचे प्रकाश आंबेडकर यांनी म्हटलं आहे. ते म्हणाले की, आज सकाळी पाटील मला भेटून गेले आहेत. त्यामुळे पुढील निर्णय लवकरच घेऊ. सध्या कुठल्याही आग्रह केलेला नाही किंवा कुठलही सजेशन दिलं नसल्याचं आंबेडकर म्हणाले.
