Saturday, July 20, 2024
Homeताज्या घडामोडीपश्चिम, मध्य रेल्वेवर रविवारी मेगाब्लॉक

पश्चिम, मध्य रेल्वेवर रविवारी मेगाब्लॉक

मुंबई (प्रतिनिधी) : रेल्वे रुळांच्या दुरुस्तीसाठी आणि काही अभियांत्रिकी कामे मार्गी लावण्यासाठी पश्चिम आणि मध्य रेल्वेने रविवार ७ एप्रिल रोजी मेगाब्लॉक घेतला आहे. यामुळे कामानिमित्त घराबाहेर पडणाऱ्या मुंबईकरांचे हाल होणार आहेत.

मध्य रेल्वे मार्गावर माटुंगा-मुलुंड अप आणि डाऊन धीम्या मार्गावर सकाळी ११.०५ ते दुपारी ३.५५ वाजेपर्यंत मेगाब्लॉक असेल. छत्रपती शिवाजी महाराज टर्मिनस मुंबई येथून सकाळी १०.१४ ते दुपारी ३.१८ वाजेपर्यंत सुटणाऱ्या डाऊन धिम्या मार्गावरील सेवा माटुंगा आणि मुलुंड स्थानकांदरम्यान शीव, कुर्ला, घाटकोपर, विक्रोळी, भांडुप व मुलुंड स्थानकांदरम्यान थांबतील आणि नंतर डाऊन जलद मार्गावर वळवण्यात येतील. त्यामुळे नियोजित वेळेपेक्षा १५ मिनिटे उशिराने गंतव्यस्थानी पोहोचेल.

ठाणे येथून सकाळी १०.५८ ते दुपारी ३.५९ वाजेपर्यंत सुटणाऱ्या अप धीम्या मार्गावरील सेवा मुलुंड येथे अप जलद मार्गावर वळवण्यात येईल. पुढे मुलुंड, भांडुप, विक्रोळी, घाटकोपर, कुर्ला आणि शीव दरम्यान मुलुंड व माटुंगा स्थानकांदरम्यान थांबून धीम्या मार्गावर वळवण्यात येईल आणि नियोजित वेळेपेक्षा १५ मिनिटे उशिरा पोहोचेल.

ब्लॉक कालावधीत वाशी/नेरुळ आणि ठाणे स्थानकांदरम्यान अप आणि डाऊन ट्रान्स हार्बर मार्गावरील सेवा बंद राहतील. वाशी/नेरूळ/पनवेलसाठी सकाळी १०.३५ ते दुपारी ४.०७ वाजेपर्यंत ठाणे येथून सुटणाऱ्या वाशी/नेरुळ/पनवेलसाठी सकाळी १०.२५ ते दुपारी ४.०९ वाजेपर्यंत सदर मार्गावरील सेवा रद्द राहतील.

पश्चिम रेल्वेचा जम्बो ब्लॉक

ट्रॅक, सिग्नलिंग आणि ओव्हरहेड उपकरणांच्या देखभालीचे काम करण्यासाठी रविवार ७ एप्रिल रोजी अप आणि डाऊन हार्बर मार्गांवर माहीम आणि अंधेरी दरम्यान ११ ते १६ वाजेपर्यंत जंबो ब्लॉक घेण्यात येईल. ब्लॉक कालावधी दरम्यान, मध्य रेल्वेच्या सर्व सीएसएमटी – वांद्रे – सीएसएमटी आणि सीएसएमटी – गोरेगाव – सीएसएमटी हार्बर मार्गावरील सेवा आणि चर्चगेट ते गोरेगाव दरम्यान काही धीम्या मार्गावरील सेवा रद्द राहतील.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -