Thursday, July 18, 2024
HomeदेशLokSabha Election 2024: माजी हवाईदल प्रमुख आरकेएस भदौरिया यांचा भाजपात प्रवेश

LokSabha Election 2024: माजी हवाईदल प्रमुख आरकेएस भदौरिया यांचा भाजपात प्रवेश

नवी दिल्ली: जसजसे निवडणूक जवळ येत आहे तसतसे नेते तसेच अधिकाऱ्यांचे पक्षप्रवेश वाढत चालले आहेत. आज रविवारी २४ मार्चला हवाईदलाचे माजी प्रमुख आरकेएस भदौरिया आणि वायएसआर काँग्रेस पक्षाचे नेते वरप्रसाद राव वेल्लापल्ली हे भारतीय जनता पक्षात(BJP) सामील झाले.

दोघांनीही केंद्रीय मंत्री अनुराग सिंग ठाकूर आणि भाजपचे राष्ट्रीय महासचिव विनोद तावडे यांच्या उपस्थितीत भाजपचे सदस्यत्व स्वीकारले. या निमित्ताने वरप्रसादर राव वेल्लापल्ली म्हणाले की त्यांना गर्व आहे की त्यांनी भाजप पक्षात प्रवेश केला. त्यांनी यावेळी पंतप्रधान मोदींच्या कार्यशैलीचे कौतुक केले.

आरकेएस भदौरिया म्हणाले, मोदींच्या नेतृत्वात भारतातील लोकांमध्ये नवा आत्मविश्वास निर्माण झाला आहे. मोदींचे अद्भुत नेतृत्व विकसित भारत बनवण्यास मदत करेल. या निमित्त अनुराग सिंग ठाकूर यांनी माजी हवाईदल प्रमुख आरकेएस भदौरिया आणि वारा प्रसाद राव यांचे जगातील सर्वात मोठ्या पक्षात स्वागत केले.

भदौरिया हे २०१९ ते २०२१ या कालावधीदरम्यान हवाई दलाच्या प्रमुख पदावर तैनात होते. दरम्यान, अशी चर्चा रंगत आहे की भदौरिया यांना भाजपकडून गाझियाबाद लोकसभेचे तिकीट दिले जाऊ शकते. कारण भाजपने पश्चिम उत्तर प्रदेशातील गाझियाबाद आणि मेरठ येथून लोकसभेसाठी उमेदवाराची घोषणा केलेली नाही.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -