मुंबई: देशात सध्या क्रिकेट प्रेमींवर इंडियन प्रीमियर लीगचा(indian premier league) फिव्हर पाहायला मिळत आहे. मात्र आयपीएल २०२४ सुरू होण्याआधी एक मोठी उलटफेर पाहायला मिळत आहे. गुरूवारी चेन्नई सुपर किंग्स फ्रेंचायझीने ५ वेळा खिताब जिंकवणाऱ्या महेंद्रसिंग धोनीच्या जागी ऋतुराज गायकवाडकडे नेतृत्व दिले आहे. गायकवाड २७ वर्षांचा आहे आणि फारच कमी वेळात क्रिकेट जगतात ओळख बनवण्यासोबत कमाईही जोरदार केली आहे. सीएसकेच्या नव्या कर्णधाराकडे कोट्यावधींची संपत्ती आहे.
२७ वर्षांचा आहे सीएसकेचा नवा कर्णधार
भारताचा क्रिकेट ऋतुराज गायकवाडचा जन्म ३१ जानेवारी १९९७च्या पुणे शहरात झाला होता. लहानपणापासूनच त्याला क्रिकेटमध्ये आवड होती. वयाच्या १९व्या वर्षी २०१६-१७ मध्ये रणजी ट्रॉफीमध्ये महाराष्ट्रासाठी फर्स्ट क्लास क्रिकेटमध्ये पदार्पण केले होते. आयपीएलमध्ये त्याची एंट्री २०१९मध्ये झाली. यावेळी लिलावादरम्यान चेन्नई सुपर किंग्सदरम्यान त्याला २० लाख रूपयांच्या बेस प्राईजवर खरेदी केले होते. आता त्याला सीएसकेचा कर्णधार बनवण्यात आले आहे.
इतकी आहे ऋतुराजची संपत्ती
ऋतुराज गायकवाडची संपत्ती कोट्यावधीमध्ये आहे. आयपीएलची फीही त्याची करोडोमध्ये आहे. त्याची एकूण संपत्ती ३०-३५ कोटी रूपये सांगितली जात आहे. बीसीसीआयच्या सी कॅटेगरीचा खेळाडू ऋतुराज गायकवाड केवळ मॅच फीमधूनच कमाई करत नाही तर ब्रांड एंडोर्समेंट आणि जाहिरातीतून भरपूर पैसे कमवत आहे.
रिपोर्ट्सनुसार ऋतुराज अनेक ब्रांड्सला एंडोर्स करत आहे. यात Games 24X7, GO Kratos, Mount Road Social, SS Cricket Kits या नावांचा समावेश आहे. मॅच फी व्यतिरिक्त एंडोर्समेंट आणि जाहिरातीच्या माध्यमातून ऋतुराज गायकवाड दर महिन्याला ५०-६० लाख रूपयांची कमाई करतो.