मुंबई: गेल्या काही दिवसांपासून विराट कोहली मैदानात दिसत नाहीये. तो पुन्हा एकदा बाबा झाला आहे. विराट आणि अनुष्काच्या घरी नुकतीच पुत्ररत्नाची प्राप्ती झाली आहे. मुलाच्या जन्मामुळे त्याने इंग्लंड मालिकेतूनही आपले नाव मागे घेतले होते. तो लोकांच्या नजरेपासूनही दूर आहे. अशातच असा सवाल केला जात आहे की तो आयपीएल खेळणार की नाही? आणि जर खेळणार असेल तर कधी खेळणार.
विराट कोहली १९ मार्चला रॉयल चॅलेंजर्स बंगळुरूला जॉईन करू शकतो. कारण या तारखेला टीमचा अनबॉक्स शो असेल. कोहली शेवटचा अफगाणिस्तानविरुदध खेळवण्यात आलेल्या टी-२० मालिकेत दिसला होता. त्यानंतर तो लंडनच्या रस्त्यांवर दिसला होता.
A Home game for our 12th Man Army before our first #IPL game! We’re coming to the Chinnaswamy stadium full of surprises and special announcements, on the 19th of March. 🥳😁
Ladies and Gentlemen, see you at the 𝗥𝗖𝗕 𝗨𝗻𝗯𝗼𝘅! Tickets go on sale tomorrow only on the RCB… pic.twitter.com/ucrDhTq8gb
— Royal Challengers Bangalore (@RCBTweets) March 8, 2024
दरम्यान, आरसीबी अथवा विराट कोहली यांनी कोणीही कन्फर्म केलेले नाही की तो १९ मार्चला संघासोबत दिसेल की नाही. याशिवाय याबाबतची कोणतीही अधिकृत माहिती समोर आलेली नाही की कोहली आयपीएल २०२४मध्ये खेळणार की नाही. कारण तो बऱ्याच दिवसांपासून दिसलेलाही नाही.
आयपीएलनंतर टी-२० वर्ल्डकप २०२४ खेळवला जाणार आहे. यातही कोहलीच्या निवडीवर सवाल केले जात आहे. असे म्हटले जात आहे की त्याला टी-२० वर्ल्डकप संघापासून दूर ठेवले जाऊ शकते.