Thursday, July 25, 2024
Homeताज्या घडामोडीअबकी बार ४०० पार हे मिशन यशस्वी होऊ दे!; केंद्रीय मंत्री नारायण राणेंचे...

अबकी बार ४०० पार हे मिशन यशस्वी होऊ दे!; केंद्रीय मंत्री नारायण राणेंचे भराडी देवीला साकडे

मसुरे : राजकारणातील यश भराडी देवीच्या आशीर्वादाने मिळाले आहे अशी माझी भावना आहे. राज्यात भाजप, शिवसेना आणि राष्ट्रवादी या तीन पक्षांची सत्ता आहे. येणाऱ्या लोकसभेमध्ये अबकी बार ४०० पार हे मिशन यशस्वी होऊ दे! असे साकडे केंद्रिय मंत्री नारायण राणे यांनी आंगणेवाडी येथील भराडी देवीला घातले.

केंद्रीय मंत्री नारायण राणे यांनी शनिवारी दुपारी १२ च्या सुमारास आंगणेवाडी येथे आई भराडी देवीचे दर्शन घेतले. यावेळी आंगणे कुटुंबियांच्या वतीने स्वागत कक्षात त्यांचे आनंद आंगणे यांनी स्वागत केले. यावेळी भाविकांना संबोधित करताना केंद्रीय मंत्री नारायण राणे म्हणाले, येणाऱ्या लोकसभेसह राज्यात सुद्धा याच विचारांची सत्ता येऊ दे. देशाला आत्म निर्भर बनवणारे पंतप्रधान नरेंद्र मोदी यांना तिसऱ्या वेळी पुन्हा यश मिळु दे ही प्रार्थना आपण केली आहे. मुख्यमंत्री एकनाथ शिंदे यांना सुद्धा उत्तम आरोग्य लाभून त्यांचा कारभार यशस्वी होऊ दे. लोकसभे संबंधी पक्ष जो निर्णय घेईल तो अंतिम असेल. हा मतदार संघ भाजपचा असल्याने लोकसभेचा उमेदवार भाजपचा असेल. येथील विरोधी खासदार आणि आमदार यांचा पराभव जनताच करणार आहे. तसेच आंगणे कुटुंबीयांनी सुयोग्य नियोजन केल्याने भाविकांना दर्शन सुलभ मिळत आहे. सर्व भक्तांना उत्तम आरोग्य लाभू दे अशी मनोकामना सुद्धा केंद्रीय मंत्री नारायण राणे यांनी व्यक्त केली.

यावेळी सौ. नीलम राणे, आमदार निरंजन डावखरे, भाजप नेते डॉ. निलेश राणे, आनंद आंगणे, रघुनाथ आंगणे, दीपक आंगणे, दिनेश आंगणे, भाजप तालुकाध्यक्ष धोंडी चिंदरकर, बाबा परब, अशोक सावंत अन्य पदाधिकारी उपस्थित होते.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -