Dhaka: बांगलादेशची राजधानी ढाकामध्ये अग्नितांडव, ४३ जणांचा होरपळून मृत्यू

  102

ढाका: बांगलादेशची राजधानी ढाकामध्ये गुरूवारी रात्री अग्नितांडव पाहायला मिळाले. राजधानीमध्ये ६ मजली शॉपिंग मॉलला आग लागल्याने कमीत कमी ४३ जणांचा मृत्यू झाला आहे तर अनेक डझन लोक जखमी झाले आहेत. आरोग्यमंत्री समंता लाल सेन यांनी दिलेल्या माहितीनुसार ढाकाच्या डाऊनटाऊन परिसरात गुरूवारी रात्री आग लागली. अग्निशमन दलाच्या जवानांनी जिवंत लोकांना सुरक्षितरित्या बाहेर काढले. या दुर्घटनेत ४३ जणांचा मृत्यू झाला आहे तर २२ जणांवर उपचार सुरू आहेत.


आरोग्य मंत्र्यांनी सांगितले की मॉलच्या आतून अग्निशमन दलाच्या जवानांनी जळालेले मृतदेह बाहेर काढले. महिला आणि मुलांसह ३३ जणांना ढाका मेडिक कॉलेज रूग्णालयात मृत घोषित करण्यात आले तर १० जणांना शेख हसीना नॅशनल इन्स्टिट्यूट ऑफ बर्न अँड प्लास्टिक सर्जरी येथे आणण्यात आले होते. येथेही डॉक्टरांनी त्यांना मृत घोषित केले. आग लागल्याची ही घटना बेली रोड परिसरात शॉपिंग मॉलसमोर घडली.



कशी लागली आग?


अग्निशमन दलाच्या जवानांनी सांगितले की शॉपिंग मॉलमधील पहिल्या मजल्यावरील एका प्रसिद्ध रेस्टॉरंटमध्ये आग लागण्यास सुरूवात झाली. यांनंतर पाहता पाहता आगीने संपूर्ण इमारतीला लपेटले. रेस्टॉरंटमध्ये गॅस सिलेंडर असल्याने ही आग जोरात भडकली. आग लागल्यानेक अनेकजण इमारतीच्या आतच अडकले. दरम्यान, रेस्टॉरंटमध्ये ही आग कशामुळे लागली याचे कारण समोर आलेले नाही.

जीव वाचवण्यासाठी इमारतीतून मारल्या उड्या


कच्ची भाई या नावाच्या रेस्टॉरंटमध्ये रात्री पावणेदहाच्या सुमारास आग लागली होती. त्यानंतर साडेबाराच्या सुमारास या आगीवर नियंत्रण मिळवण्यात यश मिळाले. अनेकांनी आगीपासून बचावासाठी इमारतीवरून उडी मारणे योग्य ठरवले. यात अनकेांचा मृत्यू झाला.
Comments
Add Comment

दक्षिण कोरियात शाळेत मोबाईल वापरण्यावर बंदी

सियोल : दक्षिण कोरियामध्ये शाळेत मोबाईल वापरण्यावर बंदी घालणारे विधेयक मंजूर झाले आहे. मार्च २०२६ पासून हा कायदा

लंडनमध्ये भारतीय रेस्टॉरंटला आग; पाच जण जखमी

लंडन: लंडनमध्ये एका भारतीय रेस्टॉरंटमध्ये आग लावल्याची धक्कादायक घटना समोर

स्वातंत्र्यदिनी युक्रेनचा रशियाच्या अण्वस्त्र प्रकल्पावर ड्रोन हल्ला; मोठा स्फोट होऊन आग

मॉस्को: युक्रेनने रशियाच्या ऊर्जा प्रकल्पांवर पुन्हा एकदा मोठा ड्रोन हल्ला केला आहे. युक्रेनच्या स्वातंत्र्य

न्यूयॉर्कमध्ये भारतीयांना घेऊन जात असलेल्या बसला अपघात, पाच ठार

न्यूयॉर्क : अमेरिकेतून एक दुःखद बातमी आली आहे. न्यूयॉर्क राज्य महामार्गावर एका बसचा अपघात झाला. नायगरा

अमेरिकेत ५.५ कोटी व्हिसाधारकांवर धोक्याची टांगती तलवार, नियमांचे उल्लंघन केल्यास रद्द होणार व्हिसा

वॉशिंग्टन: अमेरिकेत स्थायिक झालेले किंवा तिथे व्हिसावर वास्तव्यास असलेल्या ५.५ कोटी परदेशी नागरिकांच्या

दक्षिण अमेरिकेत ८ रिश्टर क्षमतेचा भूकंप

वॉशिंग्टन डीसी : भारतीय वेळेनुसार शुक्रवारी सकाळी सात वाजून ४६ मिनिटांनी दक्षिण अमेरिकेत ८.० रिश्टर क्षमतेच्या