'बाबा म्हणतात' कविता आणि काव्यकोडी


  • कविता : एकनाथ आव्हाड 


बाबा म्हणतात...


बाबा म्हणतात, क्रियापदावरून
समजतो उद्देश-हेतू
क्रियापदाचे अर्थ यातून
बाळा जाणून घे तू...

इकडे या, तिकडे जा
बचत करा, बचत करा
क्रियापदाचा अर्थ यातला
अज्ञार्थीच आहे खरा...

जर वाचाल, तर वाचाल
जो करेल, तो भरेल
क्रियापदावरून संकेतार्थ
यातून बघ तुला कळेल...

वाऱ्याची गार झुळुक यावी
वडीलधाऱ्यांचा मान राखावा
क्रियापदावरून विद्यार्थाचा
अर्थ यातून समजावा...

मुले-बाळे मनमुराद हसली
गुरे-वासरे ओलीचिंब झाली
क्रियापदावरून स्वार्थाची
अर्थच्छटा कळून आली...

बाबांच्या बोलण्यातून मला वाक्याचा उद्देश कळतो
क्रियापदाचा अर्थ त्यातून
अचूक ओळखून घेतो...

काव्यकोडी : एकनाथ आव्हाड


१) भारतीय गाणकोकिळा
क्वीन ऑफ मेलडी
छत्तीसपेक्षा जास्त भाषांमध्ये
गाणी त्यांनी गायिली...

दादासाहेब फाळके, भारतरत्न
पुरस्काराने गौरविले
आनंदघन नावाने
कोण संगीतकारही झाले?

२) पहिले भारतीय वैमानिक
त्यांनाच मानले जाते
भारतीय विज्ञान वाहतूक
उद्योगाचे जनकच ते...

टाटा समाज विज्ञानसंस्था
त्यांनीच केली स्थापन
भारतरत्न पुरस्काराचे
सांगा मानकरी कोण?

३) भारतीय कायदेपंडित
धर्मशास्त्राचे अभ्यासक
भारतरत्न पुरस्कारासह
सन्मान लाभले कैक...

‘धर्मशास्त्राचा पंचखंडात्मक
इतिहास’ ग्रंथ रचिला
महामहोपाध्याय या पदवीचा
मान कोणास मिळाला?
उत्तरे : 

१) लता मंगेशकर

२) जे. आर. डी. टाटा 

३) पांडुरंग वामन काणे 
Comments
Add Comment

मनाची श्रीमंती!

कथा : रमेश तांबे दिवाळी नुकतीच संपली होती. दिवाळीचे चार-पाच दिवस कसे संपले हे नमिताला कळलेच नव्हते. दिवाळी येणार

पारदर्शक पदार्थ

कथा : प्रा. देवबा पाटील सीता व निता या दोघी बहिणींना जशी अभ्यासाची गोडी होती तशीच वाचनाचीसुद्धा आवड होती. त्या सतत

बदलांचा स्वीकार!

खरे तर बदलांचा स्वीकार करणे याला खूप चांगला इंग्रजी शब्द आहे ऍडॉप्शन! आपण कितीही मनात आणले तरी आपल्याला हवे तसे

कचरा कचराकुंडीतच टाकावा !

लहानशा गोष्टी, मोठा अर्थ : शिल्पा अष्टमकर ‘स्वच्छ मुंबई ,सुंदर मुंबई ‘ असे फलक मुंबईत ठिकठिकाणी आपण पाहतो. अनेक

सूर्यप्रकाशाचे रंग

कथा : प्रा. देवबा पाटील सीता आणि नीता या सख्ख्या बहिणीच असल्याने दोघींचे आपसातही छान मेतकूट जमायचे. दोघीही नेहमी

खरी पूजा

कथा : रमेश तांबे अजितच्या घराजवळच गणपतीचं एक मंदिर होतं. त्याची आजी दररोज सकाळी पूजेसाठी मंदिरात जायची. जवळजवळ