Saturday, July 13, 2024
Homeताज्या घडामोडीNashik News : रुग्णालयाच्या अतिदक्षता विभागात डॉक्टरवर वार करुन हल्लेखोर फरार

Nashik News : रुग्णालयाच्या अतिदक्षता विभागात डॉक्टरवर वार करुन हल्लेखोर फरार

नाशिकच्या सुयोग रुग्णालयातील धक्कादायक प्रकार

नाशिक : नाशिकच्या (Nashik) पंचवटी परिसरातील सुयोग रुग्णालयातून (Suyog Hospital) एक धक्कादायक प्रकार समोर आला आहे. काल रात्रीच्या सुमारास एका खासगी डॉक्टरवर प्राणघातक हल्ला करुन हल्लेखोर फरार झाला. महत्त्वाची बाब म्हणजे, रुग्णालयाच्याच अतिदक्षता विभागात (ICU) डॉक्टरवर धारदार शस्त्राने वार करण्यात आले. या हल्ल्याचे कारण मात्र अस्पष्ट आहे.

काल रात्री या घटनेची माहिती मिळताच पंचवटी पोलीस ताबडतोब घटनास्थळी दाखल झाले. कैलास राठी असं हल्ला झालेल्या डॉक्टरांचं नाव आहे. सध्या डॉक्टरांवर उपचार सुरु असून या प्रकरणाचा पोलीस तपास करत आहेत.

नाशिकमध्ये यापूर्वीही डॉक्टरांवर हल्ल्यांच्या घटना घडल्या आहेत. २०२२ मध्ये नाशिकमध्ये प्रख्यात नेत्ररोगतज्ज्ञ अशी ओळख असलेल्या डॉक्टर प्राची पवार यांच्यावर प्राणघातक हल्ला झाल्याने एकच खळबळ उडाली होती. ही घटना ताजी असतानाच आणखी एका महिला डॉक्टरवर हल्ल्याची धक्कादायक घटना नाशिक शहरात घडली होती. एकाच हॉस्पिटलमध्ये काम करणाऱ्या अनिकेत डोंगरे नावाच्या वॉर्डबॉयने महिला डॉक्टरवर प्राणघातक हल्ला केला होता, ज्यात त्या गंभीर जखमी झाल्या होत्या. त्यानंतर पुन्हा दोन वर्षांनी नाशिकमधून असाच प्रकार समोर आला आहे. त्यामुळे रुग्णालय परिसरा खळबळ उडाली आहे.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -