Tuesday, July 16, 2024
Homeताज्या घडामोडीया ५ गोष्टी खाण्यास करा सुरूवात, कधीच नाही जाणवणार थकवा

या ५ गोष्टी खाण्यास करा सुरूवात, कधीच नाही जाणवणार थकवा

मुंबई: जेवण हे आपल्या शरीरासाठी इंधन असते. फिट राहण्यासाठी जेवण करणे, चांगली झोप, व्यायाम हे गरजेचे आहे. जेवणाबाबत वरिष्ठ आपल्याला एक सल्ला नेहमी देत असतात की नाश्ता हा राजासारखा करावा आणि रात्रीचे जेवण हे नेहमी भिकाऱ्यासारखे असावे.

मात्र अनेकदा भरपेट नाश्ता करूनही काही वेळानंतर पुन्हा थकवा तसेच सुस्ती जाणवायला लागते. आपल्याला लो एनर्जीसारखे वाटते. ही समस्या थंडीच्या दिवसात पुरेसे ऊन न मिळाल्याने होते. अशातच गरजेचे आहे की आपल्या जेवणात एनर्जी बूस्ट करतील अशा खाद्य पदार्थांचा समावेश करणे. यामुळे आपल्याला थकवा जाणवणार नाही आणि कमजोरीही दूर होईल.

प्रोटीन रिच फूड

शरीरासाठी प्रोटीन अतिशय गरजेचे आहे. अशातच तुम्ही नाश्त्यामध्ये प्रोटीनने भरपूर पदार्थांचे सेवन करू शकता. यासाठी तुम्ही पनीर, सोयाबीन, मोड आलेली कडधान्या, डाळी आणि चणे खाऊ शकता. नॉनव्हेज खात असाल तर अंडी आणि कमी मसाल्यातील चिकन खाऊ शकता. याशिवाय केळी-दूध हा प्रोटीनचा चांगला स्त्रोत आहे.

कार्ब्स आणि फॅटचा बॅलन्स

लठ्ठपणापासून बचावासाठी कमी फॅट आणि कमी कार्ब्सचे सेवन केले पाहिजे मात्र तुम्ही यासाठी झिरो कार्ब्स आणि झिरो फॅट असलेले डाएट घेत असाल तर हे नुकसानदायक ठरू शकते. तुम्ही नाश्त्यात हेल्दी फॅट्स आणि कार्बोहायड्रेट्स असलेले पदार्थ सामील करू शकता. भाज्यांनी बनवलेले पराठे, अक्रोड, देशी तूप, दही या पदार्थांचा समावेश करू शकता.

पाणी खूप प्या

दिवसभरात ८ ते १० ग्लास पाणी पिणे गरजेचे आहे. यामुळे शरीर डिटॉक्स होण्यास मदत होते. यामुळे थकवाही दूर होतो. सोबतच पाणी प्यायल्याने तुम्हाला एनर्जीही मिळते. पाणी पिण्यासोबतच रसदार फळे आणि भाज्या खा. नारळ पाणी प्या. दिवसातून एकदा ताक जरूर प्या.

नट्स आणि सीड्स

हाडे मजबूत करण्यासाठी ड्रायफ्रुट्स,नट्स, हेल्दी सीड्सचे सेवन करा. यातून तुम्हाला व्हिटामिन ई, मॅग्नेशियम, प्रोटीन आणि आर्यन मिळेल. भोपळ्याच्या बिया, चिया सीड्स, बदाम, अक्रोड, अंजूर आणि खजूरचे सेवन करा.

व्हिटामिन सीने परिपूर्ण पदार्थ

आपल्या संपूर्ण वाढीसाठी व्हिटामिन सी अतिशय महत्त्वाचे असते. यासाठी आवळा, लिंबू, संत्रे आणि हिरव्या भाज्या खा. यामुळे रोगप्रतिकारक क्षमता वाढते. सोबतच हाडे, डोळे आणि त्वचा हेल्दी राहते. शरीराच्या पेशी रिपेअर करण्यासाठी व्हिटामिन सी असलेल्या फूड्सचे सेवन करा.

Get latest Marathi News, Maharashtra News and Latest Mumbai News from Politics, Sports, Entertainment, Business and local news from Mumbai and All cities of Maharashtra

RELATED ARTICLES
- Advertisment -

Most Popular

- Advertisment -